કેલિફોર્નિયાના સાન માર્ટિનમાં શ્રી વલ્લભ મહા ગણપતિ મંદિરમાં દશેરાની ભવ્ય ઉજવણીનું આયોજન

VVGC Dussehra Celebration | અમેરિકાના કેલિફોર્નિયા સ્ટેટના બે એરિયા સ્થિત સાન માર્ટિન શહેરમાં આવેલ શ્રી વલ્લભ મહા ગણપતિ મંદિર (વૈદિક વિદ્યા ગણપતિ સેન્ટર – VVGC) દ્વારા વિજયાદશમી નવરાત્રી મહોત્સવનું આયોજન કરવામાં આવ્યું છે. આ ઉજવણી 20 October 2026ના રોજ યોજાશે.

આ ઉત્સવની શરૂઆત સાંજે 7:00 વાગ્યે પવિત્ર રથયાત્રા સાથે થશે, જેમાં શ્રદ્ધાળુઓ ભગવાનના આશીર્વાદ પ્રાપ્ત કરી શકશે. ત્યારબાદ સાંજે 7:30 વાગ્યે બાળકો દ્વારા વિશેષ રામલીલા નાટક પ્રસ્તુત કરવામાં આવશે. સાંજે 7:45 વાગ્યે ભારતીય સંસ્કૃતિ અને પરંપરાને રજૂ કરતા સાંસ્કૃતિક નૃત્ય કાર્યક્રમો યોજાશે.

રાત્રે 8:00 વાગ્યે અનિષ્ટ પર શક્તિના વિજયના પ્રતીક રૂપે રાવણ દહનનો કાર્યક્રમ યોજાશે. તમામ ધાર્મિક અને સાંસ્કૃતિક કાર્યક્રમો પૂર્ણ થયા બાદ ઉપસ્થિત તમામ ભક્તો માટે ‘પ્રીતિ ભોજ’ સ્વરૂપે મહા પ્રસાદનું વિતરણ કરવામાં આવશે. મંદિર પ્રશાસન દ્વારા તમામ શ્રદ્ધાળુઓને પરિવાર સાથે પધારવા આમંત્રણ પાઠવવામાં આવ્યું છે.