કેલિફોર્નિયાના નોરવોક રાધાકૃષ્ણ મંદિરે નવરાત્રિનું ભવ્ય આયોજન, જાણો સંપૂર્ણ શેડ્યૂલ

Norwalk Navratri Schedule | અમેરિકાના કેલિફોર્નિયા સ્થિત નોરવોકના પ્રસિદ્ધ રાધાકૃષ્ણ મંદિર (12634 Pioneer Blvd, Norwalk, CA) દ્વારા નવરાત્રિ 2026 ઉત્સવનું સંપૂર્ણ શેડ્યૂલ જાહેર કરવામાં આવ્યું છે.

મંદિર પરિસરમાં દરરોજ રાત્રે 8:00 થી 11:30 વાગ્યા સુધી ભક્તો માટે ગરબા અને રાસના ભવ્ય કાર્યક્રમો યોજાશે. આ ઉત્સવમાં પ્રખ્યાત કલાકારો અને ડીજે લાઇવ પર્ફોર્મન્સ આપશે.

જેમાં 11 થી 15 ઓક્ટોબર દરમિયાન ડીજે વિશ્વજીત મ્યુઝિકલ નાઇટ, 16, 18 અને 25 ઓક્ટોબરે ડો. ધીરેન બુશ લાઇવ શો, 17 અને 19 ઓક્ટોબરે અમી પટેલ તેમજ 20 ઓક્ટોબરે પ્રીત્યુષા લાઇવ મ્યુઝિક પીરસશે.

આ વર્ષે કોલા મોટેલ્સના સહયોગથી વિશેષ રેફલ ડ્રોનું આયોજન કરાયું છે, જેમાં વિજેતાઓ આઈપેડ (iPad), ડાયમંડ પેન્ડન્ટ, સિલ્વર લગડી અને એપલ વોચ જેવા આકર્ષક ઈનામો જીતી શકશે.

ભક્તો માટે કેરમોર મેડિકલ અને સ્કૂલ ડિસ્ટ્રિક્ટ ઓફિસ ખાતે પાર્કિંગની ખાસ વ્યવસ્થા કરવામાં આવી છે. આયોજકોએ તમામ ભક્તોને મા અંબાની આરાધનામાં જોડાવવા માટે ભાવભર્યું આમંત્રણ પાઠવ્યું છે.