Viksit Bharat Run | લોસ એન્જલસ સ્થિત કન્સુલેટ જનરલ ઓફ ઈન્ડિયા દ્વારા CRY સેન ડિએગોના સહયોગથી એસ્કોન્ડિડોના મનોરમ્ય લેક હોજિસ ખાતે ‘વિકસિત ભારત રન 2026’નું સફળ આયોજન કરવામાં આવ્યું હતું.
આ દોડમાં ભારતીય પ્રવાસી સમુદાયના નાના બાળકોથી લઈને વરિષ્ઠ નાગરિકો સુધીના લોકોએ ઉત્સાહભેર ભાગ લીધો હતો.
ભારતના કોન્સુલ જનરલ ડો. કે. જે. શ્રીનિવાસે આ રનનો પ્રારંભ કરાવ્યો હતો. તેમણે ઉપસ્થિત ભારતીય સમુદાયના લોકો સાથે વાર્તાલાપ કર્યો હતો અને તેમને ફિટનેસ, સામાજિક ભાગીદારી અને ‘વિકસિત ભારત 2047’ના વિઝનને અપનાવવા પ્રોત્સાહિત કર્યા હતા. તેમણે 2047 સુધીમાં વિકસિત ભારતના લક્ષ્યને હાંસલ કરવા માટે હકારાત્મક યોગદાન આપવા અપીલ કરી હતી.
આ કાર્યક્રમનું સહ-આયોજન CRY અમેરિકા દ્વારા કરવામાં આવ્યું હતું, જેમાં બ્રહ્મા કુમારીઝ અને સેન ડિએગો તમિલ સંગમ જેવી સ્થાનિક સંસ્થાઓએ પણ સહયોગ આપ્યો હતો.
ડો. શ્રીનિવાસે ભારતની વિકાસયાત્રામાં યુવા પેઢી અને પ્રવાસી ભારતીયોની મહત્વપૂર્ણ ભૂમિકા પર ભાર મૂક્યો હતો અને આયોજકો તથા સ્વયંસેવકોના પ્રયાસોને બિરદાવ્યા હતા.
વિદેશમાં વસતા NRI ભાઈઓ-બહેનો માટે ખાસ આમંત્રણ
તમારા પરિવાર, સમાજ અને સંસ્કૃતિ સાથે જોડાયેલા ખાસ પ્રસંગોને Sacharachar.com મારફતે વિશ્વભરના ગુજરાતી સમાજ સુધી પહોંચાડો.
પારિવારિક પ્રસંગો
લગ્ન, સગાઈ, જન્મદિવસ અને અન્ય ખાસ પ્રસંગો.
સામાજિક અને ધાર્મિક
નવરાત્રી, દિવાળી, ધાર્મિક અને સાંસ્કૃતિક કાર્યક્રમો.
કોમ્યુનિટી સિદ્ધિઓ
શિક્ષણ, રમતગમત, બિઝનેસ અને સામાજિક સિદ્ધિઓ.
તમારે શું મોકલવાનું?
પ્રસંગની ટૂંકી માહિતી અને 2–5 ફોટા મોકલો.