Nikitha Godishala murder case accused Arjun Sharma arrested in Agra news
અમેરિકાના (USA)ના મેરીલેન્ડ (Maryland) રાજ્યમાં તેલંગાણાની (Telangana) 27 વર્ષીય સોફ્ટવેર એન્જિનિયર (Software Engineer) નિકિતા ગોડીશાલા (Nikitha Godishala)ના હત્યા કેસમાં લગભગ 8 મહિના બાદ મુખ્ય આરોપી અને નિકિતાનો પૂર્વ રૂમમેટ અર્જુન શર્મા (Arjun Sharma) ઉત્તર પ્રદેશના (Uttar Pradesh) આગ્રા (Agra) શહેરના એક ફ્લેટમાંથી ઝડપાઈ ગયો છે.
અમેરિકન એજન્સીઓ અને ઇન્ટરપોલ (Interpol)ની રેડ કોર્નર નોટિસ (Red Corner Notice) ના આધારે તેલંગાણા પોલીસ (Telangana Police) અને સીબીઆઈ (CBI)ની સંયુક્ત ટીમ દ્વારા આ કાર્યવાહી કરવામાં આવી હતી.
ધરપકડ બાદ 27 વર્ષીય અર્જુન શર્માને દિલ્હીની (Delhi) પટિયાલા હાઉસ કોર્ટમાં (Patiala House Court) રજૂ કરવામાં આવ્યો હતો, જ્યાંથી તેના પ્રત્યાર્પણ (Extradition) ની કાનૂની પ્રક્રિયા શરૂ કરવામાં આવી છે.
મળતી વિગતો મુજબ, હૈદરાબાદની (Hyderabad) નિકિતા ગોડીશાલા વર્ષ 2022 માં માસ્ટર્સ ડિગ્રી (Master’s Degree) માટે અમેરિકા ગઈ હતી.
અભ્યાસ પૂર્ણ કર્યા બાદ તે મેરીલેન્ડમાં ડેટા એન્ડ સ્ટ્રેટેજી એનાલિસ્ટ તરીકે નોકરી કરતી હતી. આ દરમિયાન તેની મુલાકાત ચેન્નઈના (Chennai) મૂળ વતની અર્જુન શર્મા સાથે થઈ હતી. બંને અમેરિકામાં સાથે અભ્યાસ કરતા હતા અને મિત્રો સાથે ફ્લેટ શેર કરતા હતા.
વર્ષ 2025 ના ઓગસ્ટ-સપ્ટેમ્બર મહિનામાં અર્જુન શર્માએ પોતાની નોકરી ગુમાવી દીધી હતી. આર્થિક મુશ્કેલીમાં મુકાયેલા અર્જુન અને તેની માતાએ નિકિતા તથા તેના પરિવાર પાસેથી આશરે 4,000 યુએસ ડોલર એટલે કે આશરે રૂ. 3,30,000થી વધુ રકમ ઉધાર લીધી હતી. પૈસા પરત આપવાના મુદ્દે બંને વચ્ચે વિવાદ ઊભો થયો હતો.
31 ડિસેમ્બર 2025 ના રોજ, અર્જુને ઉધાર લીધેલા પૈસા પરત આપવાના બહાને નિકિતાને પોતાના કોલંબિયા (Columbia) સ્થિત ફ્લેટ પર બોલાવી હતી. ત્યાં તેણે નિકિતા પર છરી વડે અનેક વાર કરીને તેની હત્યા (Stabbed to Death) કરી દીધી હતી.
હત્યા કર્યા બાદ ગુનો છુપાવવા માટે અર્જુને 1 જાન્યુઆરી 2026 ના રોજ પોતે જ યુએસ પોલીસ (US Police) સમક્ષ નિકિતા ગુમ થઈ હોવાની ખોટી ફરિયાદ નોંધાવી હતી.
ત્યારબાદ, નિકિતાના મોબાઈલ અને ક્રેડિટ કાર્ડનો (Credit Card) ઉપયોગ કરીને પોતાના ખાતામાં નાણાં ટ્રાન્સફર કરી લીધા હતા અને 2 જાન્યુઆરી 2026 ના રોજ ભારત ભાગી આવ્યો હતો. 3 જાન્યુઆરીના રોજ યુએસ પોલીસે અર્જુનના ફ્લેટમાંથી નિકિતાનો મૃતદેહ કબ્જે કર્યો હતો.
ભારત આવ્યા બાદ અર્જુન ઓળખ છુપાવીને આગ્રાના શંકર ગ્રીન એપાર્ટમેન્ટમાં (Shankar Green Apartment) ભાડાનો ફ્લેટ રાખીને છુપાયો હતો.
દરમિયાન, નિકિતાના પિતા આનંદ ગોડીશાલાએ હૈદરાબાદના લાલગુડા પોલીસ સ્ટેશનમાં (Lalaguda Police Station) છેતરપિંડી અને ગુનાહિત કાવતરાની FIR નોંધાવી હતી. આ કેસની તપાસ કરતી હૈદરાબાદ પોલીસે સુરાગના આધારે આગ્રામાંથી તેને શોધી કાઢ્યો હતો.
અમેરિકન સત્તાવાળાઓ દ્વારા પણ તેના વિરુદ્ધ મર્ડર (Murder) અને એસોલ્ટ (Assault) નો કેસ દાખલ કરીને ધરપકડ વોરંટ ઇશ્યુ કરવામાં આવ્યું હતું. હવે તેને અમેરિકા મોકલવા માટેની પ્રત્યાર્પણ પ્રક્રિયા ઝડપથી ચલાવવામાં આવી રહી છે. નિકિતાના પરિવારે આરોપીની ધરપકડને મોટી સફળતા ગણાવી છે અને ન્યાયની માગ કરી છે.