USCIS Online Filing | યુનાઈટેડ સ્ટેટ્સ સિટિઝનશિપ એન્ડ ઈમિગ્રેશન સર્વિસિઝ (USCIS) દ્વારા નિયમોમાં મોટો ફેરફાર કરવામાં આવ્યો છે. અમેરિકામાં ગ્રીન કાર્ડ (Green Card), નાગરિકતા (Citizenship) અને એસાયલમ (Asylum) સહિતના વિવિધ ઈમિગ્રેશન આવેદનો માટે હવે ઓનલાઈન અરજી (Online Filing) કરવી ફરજિયાત બનશે.
નવા નિયમ અનુસાર, જે ફોર્મ ઓછામાં ઓછા 180 દિવસથી ઓનલાઈન ઉપલબ્ધ છે, તેને હવે ડિજિટલ માધ્યમથી જ જમા કરાવવાના રહેશે.
ડિપાર્ટમેન્ટ ઓફ હોમલેન્ડ સિક્યોરિટી (Department of Homeland Security) ના જણાવ્યા મુજબ, આ પગલાનો મુખ્ય હેતુ પેપરવર્ક (Paperwork) ઘટાડીને કેસ પ્રોસેસિંગ (Case Processing) ઝડપી બનાવવાનો છે. હાલમાં ફિઝિકલ ફોર્મ્સ અને લોકબોક્સ સિસ્ટમ (Lockbox System) પાછળ લાખો ડોલરનો ખર્ચ થાય છે.
નાણાકીય વર્ષ 2025 માં USCIS એ 14 million થી વધુ અરજીઓ હાથ ધરી હતી, જેમાંથી 453 million પાનાની કાગળની કામગીરી થઈ હતી. ઓનલાઈન ફાઈલિંગથી પ્રોસેસિંગ ફીલ્ડમાં ભૂલો ઘટશે અને ફ્રોડ (Fraud) શોધવાનું સરળ બનશે.
જોકે, આ ફેરફાર તાત્કાલિક લાગુ થશે નહીં. USCIS કોઈપણ ફોર્મ માટે ઓનલાઈન ફાઈલિંગ ફરજિયાત કરતા પહેલા 60 days ની નોટિસ આપશે. જે લોકો ઈન્ટરનેટ સુવિધા કે અન્ય મુશ્કેલીઓને કારણે ઓનલાઈન ફોર્મ ભરી શકે તેમ નથી, તેઓ એક્ઝેમ્પશન (Exemption) અથવા વેવર (Waiver) માટે અલગ ફોર્મ ભરીને છૂટછાટ માંગી શકશે.
આ નિર્ણયની સૌથી વધુ અસર ભારતીય અરજદારો (Indian Applicants) પર પડશે. અમેરિકામાં એમ્પ્લોયમેન્ટ-બેઝ્ડ (Employment-based) ગ્રીન કાર્ડ માટે ભારતીયોનું સૌથી મોટું બેકલોગ (Backlog) છે, જેમાં મોટાભાગના લોકો H-1B વિઝા ધારકો છે.
આ ઉપરાંત ફેમિલી-બેઝ્ડ (Family-based) ગ્રીન કાર્ડ અને વર્ક ઓથોરાઈઝેશન (Work Authorization) માં પણ મોટી સંખ્યામાં ભારતીયો અરજી કરે છે.
જે ભારતીયો ઈમિગ્રેશન લોયર્સ (Immigration Lawyers) કે પોર્ટલનો ઉપયોગ કરે છે તેમના માટે આ પ્રક્રિયા સરળ રહેશે, પરંતુ ગ્રામીણ વિસ્તારોમાં રહેતા વડીલો માટે આ પ્રક્રિયા થોડી જટિલ બની શકે છે.