નાયબ મુખ્યમંત્રી શ્રી હર્ષ સંઘવીએ ભારતીય એથ્લેટ્સનો ઉત્સાહ વધાર્યો

ગ્લાસગોમાં કોમનવેલ્થ ગેમ્સ સ્ટેડિયમમાં જઈ નાયબ મુખ્યમંત્રી શ્રી હર્ષ સંઘવીએ ભારતીય એથ્લેટ્સનો ઉત્સાહ વધાર્યો

સ્ટેડિયમમાં ભારતીય એથ્લેટ્સને પ્રોત્સાહિત કરવા માટે એકત્રિત થયેલા લોકોનો ઉત્સાહ અદ્ભુત અને પ્રેરણાદાયી જોવા મળ્યો
….
સ્કોટલેન્ડના ગ્લાસગો ખાતે આયોજિત કોમનવેલ્થ ગેમ્સમાં ભાગ લઈ રહેલા ભારતીય ખેલાડીઓનો ઉત્સાહ વધારવા માટે રાજ્યના નાયબ મુખ્યમંત્રી શ્રી હર્ષ સંઘવીએ ગ્લાસગો સ્થિત સ્કોટ્સટાઉન સ્ટેડિયમની મુલાકાત લીધી હતી.

આ મુલાકાત દરમિયાન નાયબ મુખ્યમંત્રીશ્રીએ સ્ટેડિયમ ખાતે ઉપસ્થિત ભારતીય રમતપ્રેમીઓ અને સમર્થકો સાથે મુલાકાત કરી હતી. સ્ટેડિયમમાં નીરજ ચોપડા સહિત ભારતીય એથ્લેટ્સને પ્રોત્સાહિત કરવા માટે એકત્રિત થયેલા લોકોનો ઉત્સાહ અદ્ભુત અને પ્રેરણાદાયી જોવા મળ્યો હતો.

નાયબ મુખ્યમંત્રીશ્રીએ પણ તમામ પ્રશંસકો સાથે મળીને ભારતીય ખેલાડીઓનું ચીયર-અપ કર્યું હતું અને દેશનું પ્રતિનિધિત્વ કરી રહેલા રમતવીરોને શ્રેષ્ઠ પ્રદર્શન માટે શુભેચ્છા પાઠવી હતી.
….