AI Job Interview | આજના ડિજિટલ યુગમાં સારી ડિગ્રી (Degree) અને અનુભવ હોવા છતાં નવી નોકરી મેળવવી ખૂબ જ મુશ્કેલ બની ગઈ છે.
આવી જ એક રસપ્રદ વાર્તા સોશિયલ મીડિયા (Social Media) પ્લેટફોર્મ રેડિટ (Reddit) પર વાયરલ થઈ રહી છે. એક વ્યક્તિએ લગભગ 10 વર્ષ સુધી એક જ કંપનીમાં કામ કર્યું હતું અને ત્યાં તેને 3 વખત પ્રમોશન (Promotion) પણ મળ્યું હતું. પરંતુ, ફેબ્રુઆરી મહિનામાં કંપનીએ તેને અચાનક નોકરીમાંથી કાઢી મૂક્યો હતો.
નોકરી ગુમાવ્યા બાદ તે વ્યક્તિએ સતત 5 મહિના સુધી નવી જોબ (Job) માટે અરજીઓ કરી અને અનેક ઈન્ટરવ્યુ (Interviews) આપ્યા. પરંતુ દરેક વખતે તેને નિષ્ફળતા જ હાથ લાગી.
કેટલીક જગ્યાએ ઈન્ટરવ્યુ સારા ગયા પછી વેકેન્સી રદ થઈ જતી તો ક્યાંક હાયરિંગ (Hiring) ફ્રીઝ થઈ જતું હતું. સતત મળેલા અસ્વીકારથી તેનો આત્મવિશ્વાસ ડગમગી ગયો હતો.
આખરે તેણે પોતાની રણનીતિ બદલી અને આર્ટિફિશિયલ ઈન્ટેલિજન્સ (Artificial Intelligence – AI) ની મદદ લેવાનું નક્કી કર્યું. તે જે પણ કંપનીમાં એપ્લાય કરતો, તેની જોબ ડિસ્ક્રિપ્શન (Job Description) અને ઈન્ટરવ્યુઅર (Interviewer) ની વિગતો AI ટૂલ્સમાં ફીડ કરતો હતો.
AIની મદદથી તેણે સંભવિત પ્રશ્નો તૈયાર કર્યા, ઈન્ટરવ્યુઅરની પ્રોફાઇલ પર રિસર્ચ કર્યું અને પોતાના અનુભવ મુજબ ટૂંકા અને અસરકારક જવાબો આપવાની પ્રેક્ટિસ કરી.
AI ની આ સ્માર્ટ મદદથી તેના ઈન્ટરવ્યુ આપવાની શૈલીમાં મોટો સુધારો આવ્યો. પરિણામે તેને એક ગ્લોબલ કંપનીમાં ₹1.5 કરોડનું વાર્ષિક પેકેજ ધરાવતી શાનદાર નોકરી મળી ગઈ. જોકે, તેણે સ્પષ્ટ કર્યું હતું કે AI માત્ર એક ટૂલ (Tool) છે, ખરી સફળતા તમારા કૌશલ્ય (Skill) અને અનુભવ પર જ નિર્ભર કરે છે.