shraddha walkar Murder Case | વર્ષ 2022 (2022) નો ચકચારી શ્રદ્ધા વાલકર હત્યાકાંડ (Shraddha Walkar Murder Case) ભાગ્યે જ કોઈ ભૂલ્યું હશે. 18 મે 2022ના રોજ દિલ્હીના છતરપુર વિસ્તારમાં પોતાની લિવ-ઈન પાર્ટનર (Live-in Partner) શ્રદ્ધાની નિર્મમ હત્યા કરી તેના શરીરના અનેક ટુકડા કરી અલગ-અલગ જગ્યાએ ફેંકવાનો આરોપ આફતાબ અમીન પૂનાવાલા (Aftab Amin Poonawalla) પર છે.
હવે આ કેસ ફરી ચર્ચામાં આવ્યો છે, જેનું કારણ આફતાબનો જેલની અંદરનો અભ્યાસ છે. ગર્લફ્રેન્ડની હત્યાનો આરોપી આફતાબ અત્યારે તિહાર જેલ (Tihar Jail) માં એમએ સોશિયોલોજી (MA Sociology) નો અભ્યાસ કરી રહ્યો છે અને તેની એક અરજીના કારણે કોર્ટે 20મી જુલાઈની સુનાવણી ટાળી દીધી છે.
દિલ્હીની એક અદાલતે આ કેસની સુનાવણી આગળ ધપાવી છે કારણ કે 20th જુલાઈએ આફતાબનું એમએ સોશિયોલોજીનું છેલ્લું પેપર છે. આફતાબે કોર્ટમાં દાખલ કરેલી અરજીમાં જણાવ્યું હતું કે, તે ઇન્દિરા ગાંધી નેશનલ ઓપન યુનિવર્સિટી (IGNOU) માંથી માસ્ટર્સ કરી રહ્યો છે.
20th જુલાઈએ બપોરે 2 થી 5 વાગ્યા દરમિયાન તિહાર જેલની અંદર બનેલા પરીક્ષા કેન્દ્રમાં તેની આખરી પરીક્ષા છે. તે જ સમયે કોર્ટમાં તેની વ્યક્તિગત પેશી પણ નક્કી થઈ હતી, જેથી તેણે હાજરીમાંથી મુક્તિ માંગી હતી.
એડિશનલ સેશન્સ જજ હરગુરવિંદર સિંહ જગ્ગીએ આ અરજી સ્વીકારીને 20th જુલાઈની કાર્યવાહી મોકૂફ રાખી હવે 21st જુલાઈથી પુરાવા નોંધવાનો આદેશ આપ્યો છે.
કાયદાકીય નિયમો મુજબ, આફતાબ હજુ અન્ડરટ્રાયલ (Under-trial) કેદી છે, એટલે કે કોર્ટે તેને હજુ દોષિત જાહેર કર્યો નથી. ભારતીય કાયદા હેઠળ આવા કેદીઓને શિક્ષણ મેળવવાનો અધિકાર છે. શ્રદ્ધા હત્યાકાંડનો ટ્રાયલ 2023થી ચાલી રહ્યો છે, જેમાં હજુ 8 સાક્ષીઓની જુબાની બાકી છે.
ઉલ્લેખનીય છે કે મે 2022 માં દિલ્હીના મહેરૌલી ફ્લેટમાં આફતાબે શ્રદ્ધાનું ગળું દબાવી હત્યા કરી, લાશના ટુકડા ફ્રિજમાં રાખ્યા હતા અને બાદમાં જંગલમાં ફેંકી દીધા હતા. આ કેસમાં ન્યાયની લડત લડી રહેલા શ્રદ્ધાના પિતા વિકાસ વાલકરનું પણ વર્ષ 2025 માં અવસાન થયું હતું.