છેલ્લા કેટલાક દિવસોમાં કિંમતી ધાતુઓના ભાવમાં ભારે ઉતાર-ચઢાવ જોવા મળ્યો છે. તેમ છતાં, કોમોડિટી માર્કેટ (Commodity Market) ના નિષ્ણાતોએ મલ્ટી કોમોડિટી એક્સચેન્જ (MCX) પર સોના અને ચાંદી બંને માટે પોઝિટિવ વલણ (Positive Trend) વ્યક્ત કર્યું છે.
નિષ્ણાતોના મતે, આયાત જકાત (Import Duty) માં વધારો અને વૈશ્વિક અનિશ્ચિતતાઓને કારણે આગામી સમયમાં સોનું પ્રતિ 10 ગ્રામ 1,70,000 રૂપિયા અને ચાંદી પ્રતિ કિલોગ્રામ 3,00,000 રૂપિયાની ઐતિહાસિક સપાટી પર પહોંચી શકે છે.
ટાઇમ્સ ઓફ ઇન્ડિયા (Times of India) ના અહેવાલ મુજબ, સાપ્તાહિક ચાર્ટ પર MCX ગોલ્ડ એક બાજુના ટ્રેન્ડમાંથી બહાર નીકળીને તેજી તરફ આગળ વધ્યું છે.
હાલમાં સોનાનો ભાવ 1,58,800 રૂપિયાની આસપાસ ફરે છે, જેમાં એનાલિસ્ટો (Analysts) 1,54,500 રૂપિયાના સ્તરને મજબૂત સપોર્ટ ઝોન (Support Zone) તરીકે જોઈ રહ્યા છે. જો કિંમત આ સ્તરથી ઉપર રહેશે, તો ટૂંક સમયમાં તે 1,70,000 રૂપિયાના લક્ષ્યાંક (Target) ને પાર કરી શકે છે. ટ્રેડિંગ સ્ટ્રેટેજી (Trading Strategy) મુજબ, રોકાણકારોએ 1,54,500 રૂપિયાનો કડક સ્ટોપ-લોસ (Stop-Loss) રાખવો જરૂરી છે.
બીજી તરફ, MCX સિલ્વર પણ મજબૂત સ્થિતિમાં છે. આયાત શુલ્કમાં વધારાથી ચાંદીમાં પણ નવી તેજી જોવા મળી છે. વર્તમાનમાં ચાંદીનો ભાવ આશરે 2,72,800 રૂપિયા પ્રતિ કિલોગ્રામ છે. જો ચાંદી 2,61,000 રૂપિયાનું સપોર્ટ લેવલ જાળવી રાખશે, તો તે પ્રથમ 2,85,000 રૂપિયા અને ત્યારબાદ 3,00,000 રૂપિયા સુધી પહોંચી શકે છે. ચાંદીમાં ટ્રેડિંગ માટે સ્ટોપ-લોસ 2,61,000 રૂપિયા રાખવાની સલાહ છે.
એક્સપર્ટ્સ માને છે કે ટૂંકા ગાળામાં બજારમાં વોલેટિલિટી (Volatility) ચાલુ રહેશે, તેથી રોકાણકારોએ સાવધાની રાખવી જોઈએ. જોકે, લાંબા ગાળા માટે બજારનો અંદાજ તેજીનો હોવાથી, ભાવમાં કોઈપણ ઘટાડો (Buy on Dips) એ સોના-ચાંદીમાં ખરીદી કરવાની ઉત્તમ તક સાબિત થઈ શકે છે.
વિદેશમાં વસતા NRI ભાઈઓ-બહેનો માટે ખાસ આમંત્રણ
તમારા પરિવાર, સમાજ અને સંસ્કૃતિ સાથે જોડાયેલા ખાસ પ્રસંગોને Sacharachar.com મારફતે વિશ્વભરના ગુજરાતી સમાજ સુધી પહોંચાડો.
પારિવારિક પ્રસંગો
લગ્ન, સગાઈ, જન્મદિવસ અને અન્ય ખાસ પ્રસંગો.
સામાજિક અને ધાર્મિક
નવરાત્રી, દિવાળી, ધાર્મિક અને સાંસ્કૃતિક કાર્યક્રમો.
કોમ્યુનિટી સિદ્ધિઓ
શિક્ષણ, રમતગમત, બિઝનેસ અને સામાજિક સિદ્ધિઓ.
તમારે શું મોકલવાનું?
પ્રસંગની ટૂંકી માહિતી અને 2–5 ફોટા મોકલો.