Epstein Files | અમેરિકાના જસ્ટિસ ડિપાર્ટમેન્ટ (Justice Department) દ્વારા જાહેર કરાયેલા નવા દસ્તાવેજોમાં ટેસ્લા (Tesla)ના માલિક ઇલોન મસ્ક (Elon Musk) અને મેટાના CEO માર્ક ઝુકરબર્ગ (Mark Zuckerberg)ના નામ સામે આવ્યા છે. વર્ષ 2015 માં આયોજિત એક ભવ્ય ડિનર પાર્ટીમાં આ બંને ટેક દિગ્ગજો જેફરી એપસ્ટિન (Jeffrey Epstein) સાથે જોવા મળ્યા છે. નોંધનીય છે કે, ઇલોન મસ્કે અગાઉ અનેકવાર દાવો કર્યો હતો કે તેઓ ક્યારેય એપસ્ટિનની કોઈ પણ પાર્ટીમાં સામેલ થયા નથી.
ડિનર પાર્ટીના પુરાવા: રિપોર્ટ અનુસાર, ઑગસ્ટ 2015 માં કેલિફોર્નિયામાં એક પાર્ટી યોજાઈ હતી, જેમાં મસ્ક અને ઝુકરબર્ગ એક જ ટેબલ પર આમને-સામને બેઠેલા છે. તપાસમાં બહાર આવ્યું છે કે એપસ્ટિને તેના મિત્રને ઈમેઈલ (Email) કરીને આ પાર્ટીમાં મસ્ક, ઝુકરબર્ગ અને પીટર થિએલની હાજરી અંગે જાણ કરી હતી. બાદમાં આ મુલાકાતને ‘વાઇલ્ડ’ ગણાવવામાં આવી હતી. આ તસવીરો કથિત રીતે એપસ્ટિને પોતે જ ક્લિક કરી હતી.
FBI તપાસના તારણો: ફેડરલ બ્યુરો ઓફ ઇન્વેસ્ટિગેશન (FBI) ના અહેવાલો મુજબ, વર્ષો સુધી ચાલેલી તપાસમાં એવા કોઈ નક્કર પુરાવા મળ્યા નથી કે એપસ્ટિન શક્તિશાળી લોકો માટે કોઈ સંગઠિત સેક્સ ટ્રાફિકિંગ રિંગ (Sex Trafficking Ring) ચલાવતો હતો. જોકે, એપસ્ટિન પોતે યૌન શોષણમાં દોષિત હતો.
હાલમાં લાખો પાનાના દસ્તાવેજોની તપાસ કરવામાં આવી રહી છે, જેમાં ડોનાલ્ડ ટ્રમ્પ (Donald Trump), બિલ ક્લિન્ટન અને બિલ ગેટ્સ જેવા મોટા નામોનો પણ ઉલ્લેખ છે. આ વિવાદ બાદ મસ્ક અને રીડ હોફમેન વચ્ચે સોશિયલ મીડિયા પર ઉગ્ર બોલાચાલી પણ થઈ છે.