અરવિંદ કેજરીવાલ (Arvind Kejriwal)ની આમ આદમી પાર્ટી (AAP) માટે રાજકીય ભૂકંપ જેવી સ્થિતિ સર્જાઈ છે. રાજ્યસભા સચિવાલય (Rajya Sabha Secretariat) દ્વારા બહાર પાડવામાં આવેલા સત્તાવાર નોટિફિકેશન (Notification) મુજબ, રાઘવ ચઢ્ઢા સહિતના તમામ 7 બાગી સાંસદોને હવે ભારતીય જનતા પાર્ટી (BJP) ના સાંસદ તરીકે માન્યતા આપી દેવામાં આવી છે. આ ફેરબદલ બાદ રાજ્યસભામાં ભાજપના સભ્યોની સંખ્યા વધીને 113 થઈ ગઈ છે, જ્યારે ‘આપ’ પાસે હવે માત્ર 3 સાંસદો જ બચ્યા છે.
સંજય સિંહની પક્ષાંતર ધારા હેઠળની અરજી ફગાવી રવિવારે, 26 April 2026 ના રોજ સાંસદ સંજય સિંહે સભાપતિ સી.પી. રાધાકૃષ્ણનને પત્ર લખીને આ સાંસદોને અયોગ્ય (Disqualify) ઠેરવવાની માંગ કરી હતી. તેમણે આને પંજાબની જનતા સાથે વિશ્વાસઘાત ગણાવ્યો હતો. જોકે, કાયદાકીય જોગવાઈઓ મુજબ 2/3 સભ્યો પક્ષ છોડી રહ્યા હોવાથી પક્ષાંતર વિરોધી ધારો (Anti-Defection Law) લાગુ પડ્યો નથી અને સચિવાલયે આ વિલય (Merger) ને મંજૂરી આપી છે.
“ખોટી પાર્ટીમાં સાચો માણસ હતો” ભાજપમાં જોડાયા બાદ રાઘવ ચઢ્ઢાએ આકરા પ્રહાર કરતા કહ્યું કે, જે પાર્ટીને 15 વર્ષ સુધી લોહી-પરસેવો પાડીને સીંચી હતી, તે હવે સિદ્ધાંતોથી ભટકી ગઈ છે. તેમણે ઉમેર્યું કે, “હું અત્યાર સુધી ખોટી પાર્ટીમાં સાચો માણસ હતો, હવે રાષ્ટ્રીય હિત માટે મેં ભાજપ પસંદ કરી છે.”
આ સાંસદોએ કેસરીયો ધારણ કર્યો રાઘવ ચઢ્ઢા (Raghav Chadha)ની સાથે હરભજન સિંહ (Harbhajan Singh), સ્વાતિ માલીવાલ (Swati Maliwal), સંદીપ પાઠક (Sandeep Pathak), વિક્રમજીત સિંહ સાહની, રાજેન્દ્ર ગુપ્તા અને અશોક મિત્તલ પણ ભાજપમાં જોડાયા છે. આ નેતાઓનું માનવું છે કે આમ આદમી પાર્ટી હવે માત્ર અંગત સ્વાર્થ માટે કામ કરી રહી છે. આ ઘટનાક્રમથી દિલ્હી અને પંજાબના રાજકારણમાં ગરમાવો આવી ગયો છે.
વિદેશમાં વસતા NRI ભાઈઓ-બહેનો માટે ખાસ આમંત્રણ
તમારા પરિવાર, સમાજ અને સંસ્કૃતિ સાથે જોડાયેલા ખાસ પ્રસંગોને Sacharachar.com મારફતે વિશ્વભરના ગુજરાતી સમાજ સુધી પહોંચાડો.
પારિવારિક પ્રસંગો
લગ્ન, સગાઈ, જન્મદિવસ અને અન્ય ખાસ પ્રસંગો.
સામાજિક અને ધાર્મિક
નવરાત્રી, દિવાળી, ધાર્મિક અને સાંસ્કૃતિક કાર્યક્રમો.
કોમ્યુનિટી સિદ્ધિઓ
શિક્ષણ, રમતગમત, બિઝનેસ અને સામાજિક સિદ્ધિઓ.
તમારે શું મોકલવાનું?
પ્રસંગની ટૂંકી માહિતી અને 2–5 ફોટા મોકલો.