અરબી સમુદ્રમાં ઈરાનનું ‘શેડો ફ્લીટ’ જહાજ ઝડપાયું, અમેરિકાની નાકાબંધી તોડવાનો પ્રયાસ નિષ્ફળ

US Intercepts Ship | અરબી સમુદ્ર (Arabian Sea) માં અમેરિકી નૌકાદળ દ્વારા એક મોટી કાર્યવાહી કરવામાં આવી છે. યુએસ સેન્ટ્રલ કમાન્ડ (US Central Command) એ શનિવારે (25 April 2026) ના રોજ ઈરાન (Iran) પર લાદવામાં આવેલી દરિયાઈ નાકાબંધી તોડવાનો પ્રયાસ કરી રહેલા ‘સેવાન’ (Sevan) નામના વેપારી જહાજને ઝડપી પાડ્યું છે.

અમેરિકી સેનાના જણાવ્યા અનુસાર, આ જહાજ ગેરકાયદેસર રીતે ઓઈલ અને ગેસની હેરાફેરી કરતા ‘શેડો ફ્લીટ’ (Shadow Fleet) નો એક ભાગ છે.

અમેરિકી સુરક્ષા એજન્સીઓના મતે ‘શેડો ફ્લીટ’ એ 19 જહાજોનો સમૂહ છે, જે આંતરરાષ્ટ્રીય પ્રતિબંધો હોવા છતાં ઈરાનથી અબજો ડોલરનું ઓઈલ અને પ્રોપેન જેવી સામગ્રી વિદેશી બજારોમાં પહોંચાડે છે.

આ ઓપરેશન યુએસ નૌકાદળના ગાઈડેડ-મિસાઈલ ડિસ્ટ્રોયર યુએસએસ પિંકની (USS Pinkney) દ્વારા પાર પાડવામાં આવ્યું હતું. યુએસ નેવીના હેલિકોપ્ટરે જહાજને આંતરીને સૂચનાઓનું પાલન કરવા મજબૂર કર્યું હતું.

નોંધનીય છે કે અમેરિકાએ ઈરાનના આર્થિક સ્ત્રોતોને રોકવા માટે કડક નાકાબંધી કરી છે. અત્યાર સુધીમાં ‘શેડો ફ્લીટ’ ના અંદાજે 37 જહાજોને અટકાવીને રીડાયરેક્ટ કરવામાં આવ્યા છે. આ તાજી કાર્યવાહીને પગલે મધ્ય-પૂર્વ (Middle East) માં તણાવ વધવાની પૂરેપૂરી શક્યતા છે.