Iran hit list 18 US AI Companies
Iran War Update: ઈરાન અને અમેરિકા વચ્ચેનું યુદ્ધ હવે ડિજિટલ અને ટેકનોલોજીના મેદાનમાં પ્રવેશ્યું છે. ઈરાને ચીમકી આપી છે કે તે હવે માત્ર સૈન્ય ઠેકાણા નહીં, પરંતુ અમેરિકાને મદદ કરતી 18 જેટલી ટેકનોલોજી કંપનીઓ પર પણ હુમલા કરશે. આ હુમલાઓ 1 એપ્રિલથી શરૂ કરવાની જાહેરાત કરવામાં આવી છે. હિટ લિસ્ટમાં ગૂગલ (Google), માઇક્રોસોફ્ટ (Microsoft), ઓપનએઆઈ (OpenAI), એપલ (Apple), ઇન્ટેલ (Intel) અને ટેસ્લા (Tesla) જેવી દિગ્ગજ કંપનીઓનો સમાવેશ થાય છે.
શા માટે ટેક કંપનીઓ નિશાના પર?
ઈરાનના ઈસ્લામિક રિવોલ્યુશનરી ગાર્ડ્સ (IRGC) ના જણાવ્યા મુજબ, અમેરિકા ઈરાન પર હુમલા કરવા માટે આર્ટિફિશિયલ ઈન્ટેલિજન્સ (AI) અને હાઈ-ટેક સિસ્ટમ્સનો ઉપયોગ કરી રહ્યું છે. IRGC એ ચેતવણી આપી છે કે:
જે કંપનીઓની ટેકનોલોજીથી ઈરાનમાં નરસંહાર કરવામાં આવે છે, તેમના પ્રાદેશિક એકમો (Regional Units) હવે સુરક્ષિત નથી.
યુદ્ધનું સ્વરૂપ બદલાયું છે અને ICT તેમજ AI કંપનીઓ હુમલાની સિસ્ટમ ડિઝાઇન કરવામાં મદદ કરી રહી છે.
આ કંપનીઓમાં કામ કરતા કર્મચારીઓને સુરક્ષાના કારણોસર તુરંત ઓફિસ છોડી દેવા માટે પણ સૂચના આપવામાં આવી છે.
- Cisco
- HP
- Intel
- Oracle
- Microsoft
- Apple
- Meta
- IBM
- Dell
- Planter (believed to refer to Palantir Technologies)
- Nvidia
- JP Morgan
- Tesla
- GE (General Electric)
- Spire Solutions
- G42
- Boeing
બંકર બસ્ટર બોમ્બથી વધ્યો તણાવ
આ જાહેરાત એવા સમયે કરવામાં આવી છે જ્યારે અમેરિકાએ ઈરાનના પરમાણુ પ્લાન્ટ (Nuclear Plant) ધરાવતા ઈસ્ફાહાન (Isfahan) શહેર પર Bunker Buster Bomb ઝિંક્યો હોવાના અહેવાલો છે. ઈરાને સ્પષ્ટ કર્યું છે કે આ કંપનીઓના અખાત (Gulf) માં આવેલા તમામ યુનિટ્સને ખતમ કરી દેવામાં આવશે. ઇતિહાસમાં પહેલીવાર પરંપરાગત યુદ્ધમાં ટેકનોલોજી કંપનીઓ સીધી રીતે નિશાના પર આવી છે.