Iran Attack on Kuwait Power Station
Iran Attack on Kuwait Power Station | ખાડી દેશ (Gulf Country) કુવૈતના વીજળી અને પાણીના મંત્રાલયે સોમવારે સત્તાવાર પુષ્ટિ કરી છે કે ઈરાન (Iran) દ્વારા કરવામાં આવેલા હુમલામાં એક ભારતીય શ્રમિકનું (Indian Worker) મોત નીપજ્યું છે. રવિવારે સાંજે થયેલા આ હુમલામાં વોટર ડિસેલિનેશન પ્લાન્ટ (Water Desalination Plant) ની સર્વિસ બિલ્ડિંગને ભારે નુકસાન પહોંચ્યું છે. કુવૈતે આ ઘટનાને ઈરાનની ખુલ્લી આક્રમકતા ગણાવી છે.
બેલેસ્ટિક અને ક્રૂઝ મિસાઈલોનો મારો
અમેરિકા-ઈઝરાયેલ અને ઈરાન (USA-Israel vs Iran) વચ્ચે ચાલી રહેલા યુદ્ધનો ભોગ હવે કુવૈત પણ બની રહ્યું છે. કુવૈતના સંરક્ષણ મંત્રાલય (Ministry of Defense) ના જણાવ્યા અનુસાર, છેલ્લા 1 મહિનામાં દેશ પર કુલ 307 બેલેસ્ટિક મિસાઈલો (Ballistic Missiles), 2 ક્રૂઝ મિસાઈલો (Cruise Missiles) અને 616 ડ્રોન (Drones) થી હુમલો કરવામાં આવ્યો છે. તેહરાન સતત પશ્ચિમ એશિયામાં અમેરિકન ઠેકાણાઓ (US Bases) અને ઈન્ફ્રાસ્ટ્રક્ચરને નિશાન બનાવી રહ્યું છે.
24 કલાકમાં 14 મિસાઈલો તોડી પાડી
કમાન્ડર કલનલ સઉદ અલ-અતવાનના જણાવ્યા મુજબ, છેલ્લા 24 કલાકમાં કુવૈતી સેનાએ 14 બેલેસ્ટિક મિસાઈલો અને 12 દુશ્મન ડ્રોનને હવામાં જ નષ્ટ કર્યા છે. જોકે, કેટલાક ડ્રોન કુવૈતી સશસ્ત્ર દળો (Kuwait Armed Forces) ના બેઝ પર ત્રાટક્યા હતા, જેમાં 10 જવાનો ઘાયલ થયા છે અને સૈન્ય મથકને મોટું નુકસાન થયું છે.
યુદ્ધના કારણે વૈશ્વિક સ્થરે અસ્થિરતાનો માહોલ
પશ્ચિમ એશિયામાં સ્થિતિ અત્યંત ગંભીર બની રહી છે. અમેરિકા (USA) અને ઈઝરાયેલ (Israel) દ્વારા ઈરાન પર સતત હુમલા કરવામાં આવી રહ્યા છે, જેના જવાબમાં ઈરાને (Iran) પણ વળતો પ્રહાર શરૂ કર્યો છે. આ યુદ્ધને 1 મહિનાથી વધુ સમય વીતી ગયો છે, જેના કારણે વૈશ્વિક સ્તરે અસ્થિરતાનો માહોલ છે.
ઈરાન પર ગ્રાઉન્ડ ઓપરેશનની તૈયારી
તાજેતરમાં અમેરિકન સેન્ટ્રલ કમાન્ડ (CENTCOM) ના એડમિરલ બ્રેડ કૂપર અને ઈઝરાયેલના (IDF) ચીફ એયાલ અમીર વચ્ચે ગુપ્ત બેઠક યોજાઈ હતી. આ બેઠકમાં ઈરાનના હથિયાર કાર્યક્રમને રોકવા માટે જમીની હુમલા (Ground Operation) કરવાની રણનીતિ ઘડવામાં આવી છે.
અત્યાર સુધી માત્ર હવાઈ હુમલા (Air Strikes) થતા હતા, પરંતુ હવે પેન્ટાગન (Pentagon) લાંબા ગાળાના સૈન્ય અભિયાન માટે સજ્જ છે. જો ડોનાલ્ડ ટ્રમ્પ (Donald Trump) આક્રમક વલણ અપનાવશે, તો અમેરિકન સેના ઈરાનમાં પ્રવેશ કરી શકે છે. અત્યાર સુધીમાં 900 થી વધુ હુમલાઓમાં અનેક ટોચના નેતાઓ માર્યા ગયા છે.