Donald Trump: First US president to sign currency in 165-year tradition break
Trump Signature on US Dollar | અમેરિકન ચલણી નોટોના ઇતિહાસમાં 165 વર્ષ બાદ એક ઐતિહાસિક ફેરફાર થવા જઈ રહ્યો છે. યુએસ ટ્રેઝરી વિભાગ (US Treasury Department) ની જાહેરાત મુજબ, આ ઉનાળાથી અમેરિકન પેપર કરન્સી (Paper Currency) પર રાષ્ટ્રપતિ ડોનાલ્ડ ટ્રમ્પ (Donald Trump) ના હસ્તાક્ષર જોવા મળશે.
અમેરિકાના ઇતિહાસમાં આ પ્રથમ ઘટના હશે જ્યારે કોઈ કાર્યકાળ દરમિયાન રાષ્ટ્રપતિના હસ્તાક્ષર સીધા ચલણી નોટો પર છાપવામાં આવશે. આ ફેરફાર અમેરિકાની આઝાદીની 250મી વર્ષગાંઠની ઉજવણીના ભાગરૂપે લેવામાં આવ્યો છે.
નવા ફેરફાર મુજબ, જૂન (June) મહિનાથી 100 ડોલરની પ્રથમ નોટો છાપવામાં આવશે, જેમાં ટ્રમ્પ અને ટ્રેઝરી સેક્રેટરી સ્કોટ બેસેન્ટ (Scott Bessent) ના હસ્તાક્ષર હશે. વર્ષ 1861થી ચાલી આવતી પરંપરા મુજબ અત્યાર સુધી નોટો પર યુએસ ટ્રેઝરરના હસ્તાક્ષર લેવામાં આવતા હતા, જેનો હવે અંત આવશે.
લિન્ના માલેરબા (Lynn Malerba) એવા છેલ્લા ટ્રેઝરર હશે જેમના હસ્તાક્ષર અત્યાર સુધીની નોટો પર જોવા મળતા હતા. હાલમાં પૂર્વ પ્રમુખ જો બાઈડન (Joe Biden) ના સમયના ટ્રેઝરી સેક્રેટરી જેનેટ યેલેનના હસ્તાક્ષર વાળી નોટોનું ઉત્પાદન ચાલુ છે, પરંતુ ટૂંક સમયમાં નવી નોટો બજારમાં ફરતી થશે.
ટ્રેઝરી સેક્રેટરી સ્કોટ બેસેન્ટે જણાવ્યું હતું કે, ટ્રમ્પના બીજા કાર્યકાળ દરમિયાન અમેરિકાનો આર્થિક વિકાસ (Economic Growth) અને ડોલર (Dollar) ની મજબૂતી ઐતિહાસિક રહી છે, તેથી આ નિર્ણય લેવાયો છે.
જોકે, કાયદાકીય મર્યાદાઓને કારણે જીવિત વ્યક્તિની તસવીર સિક્કા કે નોટ પર છાપી શકાતી નથી, તેથી નોટોની ડિઝાઇનમાં (Design) કોઈ મોટો ફેરફાર કરવામાં આવશે નહીં, માત્ર હસ્તાક્ષર બદલાશે. ‘ઇન ગોડ વી ટ્રસ્ટ’ (In God We Trust) જેવા શબ્દો અને મૃત વ્યક્તિઓના પોટ્રેટ નોટો પર યથાવત રહેશે.