Rajkot Mega Demolition | રાજકોટ મહાનગરપાલિકા (RMC) દ્વારા સોમવારે (23rd February) શહેરના ઈતિહાસનું સૌથી મોટું ડિમોલિશન ઓપરેશન (Demolition Operation) હાથ ધરવામાં આવ્યું છે. જંગલેશ્વર (Jungleshwar) અને આજી નદીના પટમાં દાયકાઓથી સરકારી જમીન પર ખડકાયેલા 1489 મકાનો તોડી પાડવાની પ્રક્રિયા શરૂ કરવામાં આવી છે.
ચુસ્ત પોલીસ બંદોબસ્ત અને પ્રતિબંધો
આ ઓપરેશનને શાંતિપૂર્ણ રીતે પાર પાડવા માટે સમગ્ર રાજકોટમાં કડક પોલીસ બંદોબસ્ત ગોઠવવામાં આવ્યો છે:
શહેરમાં કલમ-163 (Section 163) લાગુ કરી દેવામાં આવી છે.
2500 થી વધુ પોલીસ જવાનોનો ચુસ્ત પહેરો ગોઠવવામાં આવ્યો છે.
23 થી 25 ફેબ્રુઆરી સુધી ડ્રોન (Drone) ઉડાડવા પર સંપૂર્ણ પ્રતિબંધ છે.
કોઈપણ જગ્યાએ 4 થી વધુ વ્યક્તિઓના ભેગા થવા પર મનાઈ ફરમાવવામાં આવી છે.
ડિમોલિશનની વિગતો
આ વિશાળ ઝુંબેશ માટે તંત્રએ પૂરી તૈયારી કરી લીધી છે:
કર્મચારીઓ: 1130 થી વધુ મનપા કર્મચારીઓ એપ્રન અને હેલમેટ સાથે સજ્જ.
મશીનરી: 260 થી વધુ વાહનો જેમાં જેસીબી (JCB), હિટાચી, બ્રેકર અને ડમ્પરનો સમાવેશ થાય છે.
જમીન: આજી નદી પટની 55,000 ચો.મી. અને ટી.પી. રોડની 32,000 ચો.મી. મળી કુલ 87,000 ચોરસ મીટર જમીન ખુલ્લી કરાશે.
રડતી આંખે ઘર ખાલી કરતા લોકો
જંગલેશ્વર વિસ્તારમાં ગમગીની અને અફરાતફરીનો માહોલ જોવા મળ્યો હતો. દાયકાઓ જૂના પોતાના આશ્રયસ્થાનો છીનવાતા લોકો ચોધાર આંસુએ રડી રહ્યા હતા. રવિવાર સાંજ સુધીમાં અંદાજે 225 પરિવારોએ સ્વૈચ્છિક રીતે પોતાના મકાનો ખાલી કરી દીધા હતા. તંત્રએ સ્પષ્ટ કર્યું છે કે આ વખતે કોઈ વૈકલ્પિક આવાસ (Alternative Housing) આપવામાં આવશે નહીં, કારણ કે અગાઉ આવાસ ફાળવી દેવામાં આવ્યા હોવાના પુરાવા છે.
શા માટે આ ઓપરેશન અનિવાર્ય બન્યું?
-
બચાવ કાર્ય: સાંકડી શેરીઓને કારણે દુર્ઘટના સમયે રેસ્ક્યુ ઓપરેશન અશક્ય હતું.
-
પૂરનું જોખમ: ચોમાસામાં આજી નદીના પૂરથી જાનમાલનું જોખમ રહેતું હતું.
-
સુરક્ષા: આ વિસ્તાર ગુનાહિત પ્રવૃત્તિઓ માટે સંવેદનશીલ ગણાય છે.
આ મેગા ડિમોલિશન ત્રણ દિવસ સુધી ચાલવાની શક્યતા છે. સોમવારે સવારે 08:00 વાગ્યાથી બુલડોઝર ગર્જવાનું શરૂ થઈ ગયું છે.