દાંત અને મોઢાના સ્વાસ્થ્ય માટે ડેન્ટિસ્ટની મુલાકાત (Dentist Visit) લેવી અનિવાર્ય છે. જોકે, ઘણીવાર આપણે અજાણતા એવી ભૂલો કરીએ છીએ જે ડેન્ટલ ટ્રીટમેન્ટ (Dental Treatment) ને મુશ્કેલ બનાવી શકે છે. એક્સપર્ટ્સના મતે ડેન્ટિસ્ટ પાસે જતા પહેલા કેટલીક સાવચેતી રાખવી ખૂબ જ જરૂરી છે.
1. હેવી મેકઅપ કરવાનું ટાળો
ડેન્ટલ એપોઇન્ટમેન્ટ (Appointment) વખતે ભારે મેકઅપ, ખાસ કરીને લિપસ્ટિક અને ફાઉન્ડેશન ટાળવું જોઈએ. સારવાર દરમિયાન મોઢું લાંબો સમય ખુલ્લું રહે છે અને સાધનોના ઉપયોગથી ચહેરો ખરાબ થઈ શકે છે. સાદગી જાળવવી એ શ્રેષ્ઠ વિકલ્પ છે.
2. મેડિકલ હિસ્ટ્રી ન છુપાવો
જો તમને કોઈ જૂની બીમારી હોય, તાજેતરમાં સર્જરી થઈ હોય કે તમે નિયમિત દવા લેતા હોવ, તો તેની જાણ ડેન્ટિસ્ટને ચોક્કસ કરો. યોગ્ય માહિતીથી જ સુરક્ષિત એનેસ્થેસિયા (Anesthesia) અને સારવાર શક્ય બને છે.
3. ખાલી પેટે ન જવું
પ્રોટીન અને હેલ્ધી ફેટ ધરાવતો હળવો ખોરાક લઈને જવું જોઈએ. ખાલી પેટે જવાથી બ્લડ શુગર (Blood Sugar) ઓછું થઈ શકે છે, જેના કારણે સારવાર દરમિયાન ચક્કર કે અસ્વસ્થતા અનુભવાઈ શકે છે.
4. દારૂ અને પેઈનકિલર્સથી દૂર રહો
ગભરામણ ઓછી કરવા માટે દારૂનું સેવન ક્યારેય ન કરવું, કારણ કે તે દવાઓ સાથે પ્રતિક્રિયા કરી શકે છે. તેવી જ રીતે, પોતાની જાતે પેઈનકિલર (Painkiller) લેવાને બદલે ડોક્ટરની સલાહ મુજબ જ દવા લેવી વધુ હિતાવહ છે.
5. વાસ્તવિક અપેક્ષાઓ રાખો
કોસ્મેટિક ડેન્ટિસ્ટ્રી (Cosmetic Dentistry) માટે જતા વખતે કોઈ સેલિબ્રિટીની સ્માઈલની નકલ કરવાને બદલે તમારા ચહેરાના આકાર મુજબ ડેન્ટિસ્ટની સલાહ પર ભરોસો રાખો. દરેક વ્યક્તિના દાંતની બનાવટ અલગ હોય છે.