ઈરાનમાં ભૂકંપ કે પરમાણુ વિસ્ફોટ? 5.5ની તીવ્રતાના આંચકાથી વિશ્વભરમાં અટકળો તેજ

Iran Earthquake | અમેરિકા (USA) અને ઈરાન (Iran) વચ્ચે વધતા યુદ્ધના તણાવ વચ્ચે દક્ષિણ ઈરાનમાં આવેલા ભૂકંપે વૈશ્વિક સ્તરે ચર્ચા જગાવી છે. રિક્ટર સ્કેલ (Richter Scale) પર 5.5ની તીવ્રતાના આ આંચકાને ઘણા લોકો ઈરાનનો ગુપ્ત ‘પરમાણુ ટેસ્ટ’ (Nuclear Test) માની રહ્યા છે.

જર્મનીના ભૂ-વિજ્ઞાન સંશોધન કેન્દ્ર (GFZ) અનુસાર, ગુરુવારે બપોરે દક્ષિણ ઈરાનમાં ભૂકંપના જોરદાર આંચકા અનુભવાયા હતા. આ ભૂકંપનું કેન્દ્રબિંદુ (Epicenter) જમીનથી માત્ર 10 કિમીની ઊંડાઈએ નોંધાયું હતું. ઓછી ઊંડાઈને કારણે સપાટી પર ધ્રુજારી વધુ તીવ્ર હતી, જેનાથી સ્થાનિકોમાં ભારે ગભરાટ ફેલાયો હતો.

ડોનાલ્ડ ટ્રમ્પ (Donald Trump) ની ધમકીઓ અને પરમાણુ કાર્યક્રમના વિવાદ વચ્ચે આ ઘટના બની હોવાથી સોશિયલ મીડિયા (Social Media) પર અટકળો શરૂ થઈ છે. નિષ્ણાતો તપાસી રહ્યા છે કે શું આ આંચકા માનવસર્જિત (Man-made) હતા? જોકે, સત્તાવાર રીતે હજુ કોઈ પુષ્ટિ થઈ નથી.

ભૂસ્તરશાસ્ત્રીઓના મતે, દક્ષિણ ઈરાન ટેક્ટોનિક પ્લેટો (Tectonic Plates) ની હિલચાલને કારણે ભૂકંપ માટે સંવેદનશીલ વિસ્તાર છે. સામાન્ય રીતે 10 કિમીની ઊંડાઈ કુદરતી ભૂકંપના દાયરામાં આવે છે. હાલમાં આંતરરાષ્ટ્રીય એજન્સીઓ સિસ્મિક ડેટા (Seismic Data) નું ઝીણવટભર્યું નિરીક્ષણ કરી રહી છે.