ભારત-અમેરિકા ટ્રેડ ડીલ માં વ્હાઇટ હાઉસનો મોટો સુધારો; ભારતને મળશે આ મોટા ફાયદા

India-US Trade Deal | ભારત અને અમેરિકા વચ્ચે થયેલી તાજેતરની ટ્રેડ ડીલ (Trade Deal) ને લઈને અત્યંત મહત્વના સમાચાર સામે આવ્યા છે. અમેરિકી રાષ્ટ્રપ્રમુખ ડોનાલ્ડ ટ્રમ્પે એક્ઝિક્યુટિવ ઓર્ડર (Executive Order) પર હસ્તાક્ષર કર્યા બાદ, વ્હાઇટ હાઉસે તેની ફેક્ટશીટ (Factsheet)માં કેટલાક મહત્વપૂર્ણ ફેરફારો કર્યા છે. આ સુધારા સીધી રીતે ભારત માટે ‘બિગ ગુડ ન્યૂઝ’ સમાન છે.

$500 અબજની ખરીદી હવે ‘પ્રતિબદ્ધતા’ નહીં પણ ‘હેતુ’
આ ટ્રેડ ડીલનો સૌથી મહત્વનો વળાંક શબ્દોની પસંદગીમાં છે. અગાઉની ફેક્ટશીટ મુજબ, ભારત $500 અબજ (500 Billion) ના અમેરિકન માલસામાનની ખરીદી માટે ‘પ્રતિબદ્ધ’ (Committed) હતું. જોકે, સુધારેલી નવી ફેક્ટશીટમાં આ શબ્દ બદલીને ‘ખરીદી કરવાનો હેતુ’ (Intent to purchase) કરવામાં આવ્યો છે.

આનો સીધો અર્થ એ થાય છે કે હવે આ ખરીદી ભારત માટે કાયદેસર રીતે બંધનકર્તા (Binding) નથી, જે ભારતીય અર્થતંત્ર માટે મોટી રાહત છે.

કૃષિ ઉત્પાદનો અને ટેરિફમાં ફેરફાર (Tariff Changes)

અમેરિકાએ તેની વેબસાઇટ પર જાહેર કરેલી વિગતો મુજબ, કેટલીક પ્રોડક્ટ કેટેગરીમાં પણ મોટા ફેરફાર કર્યા છે:

એગ્રીકલ્ચર શબ્દ હટાવાયો: પ્રોડક્ટ લિસ્ટમાંથી ‘કૃષિ’ (Agriculture) શબ્દમાં ફેરફાર કરાયા છે.

કઠોળ પર રાહત: અમુક પ્રકારના કઠોળને ‘ટેરિફ કટ’ (Tariff Cut) ના લિસ્ટમાંથી બહાર રાખવામાં આવ્યા છે, જે સ્થાનિક ખેડૂતોના હિતમાં હોઈ શકે છે.

ડિજિટલ સર્વિસ ટેક્સ (Digital Service Tax) પર નવો અભિગમ
અગાઉ એવી શરત હતી કે ભારત તેનો ડિજિટલ સર્વિસ ટેક્સ (Digital Service Tax) સંપૂર્ણપણે નાબૂદ કરશે. પરંતુ સુધારેલી ફેક્ટશીટમાં જણાવાયું છે કે, ભારત હવે મજબૂત દ્વિપક્ષીય ડિજિટલ ટ્રેડ નિયમો (Digital Trade Rules) પર વાટાઘાટો (Negotiations) કરવા માટે પ્રતિબદ્ધ છે. આ ફેરફાર ભારતને ડિજિટલ પોલિસી બાબતે વધુ સ્પેસ આપે છે.

અગાઉની ફેક્ટશીટમાં શું હતું?
મંગળવારે જાહેર થયેલી પ્રાથમિક વિગતો મુજબ, ભારત તમામ અમેરિકન ઔદ્યોગિક માલ અને કૃષિ ઉત્પાદનો પરના ટેરિફ ઘટાડવા સંમત થયું હતું. જેમાં બદામ, સોયાબીન તેલ, વાઇન અને અન્ય સ્પિરિટ્સનો સમાવેશ થતો હતો. હવે નવા સુધારા બાદ ભારત આ શરતોમાં વધુ સંતુલિત સ્થિતિમાં જોવા મળી રહ્યું છે.