ટ્રમ્પની ધમકી વચ્ચે ઈરાનના સર્વોચ્ચ નેતાએ વર્ષો જૂની પરંપરા તોડી, શું છે મોટું કારણ?

Iran US Tension | અમેરિકા દ્વારા સંભવિત સૈન્ય હુમલા (Military Attack) ની ધમકીઓ વચ્ચે ઈરાનના સર્વોચ્ચ નેતા અયાતુલ્લા અલી ખામેનેઈએ એક મહત્વપૂર્ણ પરંપરા તોડી છે.

ખામેનેઈ 8 ફેબ્રુઆરીએ વાયુસેનાના કમાન્ડરો સાથેની વાર્ષિક બેઠકમાં (Annual Meeting) ગેરહાજર રહ્યા હતા, જે 1989 પછી પ્રથમ વખત બન્યું છે. કોવિડ-19 મહામારી દરમિયાન પણ ખામેનેઈ આ બેઠકમાં હાજર રહ્યા હતા, તેથી તેમની હાલની ગેરહાજરીને અસાધારણ (Extraordinary) માનવામાં આવે છે.

આ વર્ષે ખામેનેઈના બદલે આર્મી ચીફ જનરલ અબ્દુલરહીમ મૂસાવીએ વાયુસેનાના કમાન્ડરોને સંબોધિત (Addressed) કર્યા હતા. ખામેનેઈની આ ગેરહાજરી એવા સમયે આવી છે જ્યારે અમેરિકાએ ખાડી દેશોમાં પોતાની સૈન્ય હાજરી (Military Presence) મોટા પાયે વધારી દીધી છે.

ઈરાને ચેતવણી આપી છે કે જો અમેરિકા હુમલો કરશે તો સમગ્ર મધ્ય પૂર્વમાં (Middle East) વ્યાપક સંઘર્ષ છેડાઈ શકે છે. જૂન 2025 માં થયેલા ઈરાન-ઈઝરાયેલ સંઘર્ષ (Iran-Israel Conflict) બાદ આ વિસ્તારમાં પહેલેથી જ અસ્થિરતાનો માહોલ જોવા મળી રહ્યો છે.

અમેરિકાએ તાજેતરમાં અરબ સાગરમાં વિમાનવાહક જહાજ (Aircraft Carrier) યુએસએસ અબ્રાહમ લિંકન અને લડાયક વિમાનો તૈનાત કર્યા છે. બંને દેશો વચ્ચે પરમાણુ કાર્યક્રમ (Nuclear Program) અને મિસાઈલ પરીક્ષણોને લઈને લાંબા સમયથી ગંભીર મતભેદો ચાલી રહ્યા છે.