Seventh Day School Controversy | અમદાવાદની વિવાદાસ્પદ સેવન્થ ડે સ્કૂલ (Seventh Day School) એક વિદ્યાર્થીની હત્યાની ગંભીર ઘટના બાદ ફરી એકવાર વિવાદોના વમળમાં ફસાઈ છે. આ વખતે શાળાના પરિસરમાં જ ધોરણ 7 ના એક નિર્દોષ વિદ્યાર્થી સાથે ત્રણ વિદ્યાર્થીઓએ મળીને હિંસક મારામારી (Fight) કરી હોવાની ઘટના સામે આવી છે. આ મામલે હવે પોલીસ ફરિયાદ (Police Complaint) નોંધાતા તંત્ર દોડતું થયું છે.
શુ છે સમગ્ર મામલો?
પોલીસ ફરિયાદ મુજબ, ભોગ બનનાર કાર્તિક (નામ બદલેલ છે) તેના ક્લાસનો મોનિટર (Monitor) છે. શાળા છૂટતી વખતે વિદ્યાર્થીઓ લાઇનબદ્ધ (In queue) રીતે બહાર નીકળે તે માટે તે નિર્દેશ આપી રહ્યો હતો. આ દરમિયાન ત્રણ વિદ્યાર્થીઓ શિસ્તનું પાલન ન કરતા હોવાથી મોનિટરે તેમને ટોક્યા હતા. આ બાબતની અદાવત રાખીને બીજા દિવસે જ્યારે મોનિટર વોશરૂમ (Washroom) તરફ જઈ રહ્યો હતો, ત્યારે ત્રણેય વિદ્યાર્થીઓએ તેને ઘેરી લીધો હતો.
હુમલાખોર વિદ્યાર્થીઓએ કાર્તિકનો કોલર પકડી, બ્લેડ (Blade) વડે તેના શર્ટના બટન તોડી નાખ્યા હતા અને તેને જાનથી મારી નાખવાની ધમકી (Death Threat) આપી મારામારી કરી હતી.
DEOએ નોટિસ ફટકારી : આ ઘટનાની ગંભીરતા જોતા અમદાવાદ શહેર ડીઈઓ (DEO) એ લાલ આંખ કરી છે. શાળામાં પ્રિન્સિપાલ (Principal) અને એડમિન હેડ (Admin Head) ની બેદરકારી સામે આવતા તેમને કારણદર્શક નોટિસ ફટકારવામાં આવી છે. નોટિસમાં સ્પષ્ટ પૂછવામાં આવ્યું છે કે, આવી બેદરકારી બદલ તેમને નોકરીમાંથી કેમ કાઢી ન મૂકવા? હાલ આ સમગ્ર કેસની તપાસ અમરાઈવાડી પોલીસ (Amraiwadi Police) ચલાવી રહી છે.
વિદ્યાર્થીઓની સુરક્ષા પર સવાલ : નોંધનીય છે કે સેવન્થ ડે સ્કૂલનો વહીવટ હાલ સરકાર હસ્તક છે, તેમ છતાં ધોરણ 7 ના નાના બાળકો વચ્ચે થયેલી આ હિંસક ઘટનાએ વાલીઓમાં ભારે રોષ અને ચિંતા (Worry) જગાવી છે. શાળામાં શિસ્ત (Discipline) અને સુરક્ષાના અભાવે વાલીઓ હવે પોતાના બાળકોને મોકલતા ડરી રહ્યા છે.
વિદેશમાં વસતા NRI ભાઈઓ-બહેનો માટે ખાસ આમંત્રણ
તમારા પરિવાર, સમાજ અને સંસ્કૃતિ સાથે જોડાયેલા ખાસ પ્રસંગોને Sacharachar.com મારફતે વિશ્વભરના ગુજરાતી સમાજ સુધી પહોંચાડો.
પારિવારિક પ્રસંગો
લગ્ન, સગાઈ, જન્મદિવસ અને અન્ય ખાસ પ્રસંગો.
સામાજિક અને ધાર્મિક
નવરાત્રી, દિવાળી, ધાર્મિક અને સાંસ્કૃતિક કાર્યક્રમો.
કોમ્યુનિટી સિદ્ધિઓ
શિક્ષણ, રમતગમત, બિઝનેસ અને સામાજિક સિદ્ધિઓ.
તમારે શું મોકલવાનું?
પ્રસંગની ટૂંકી માહિતી અને 2–5 ફોટા મોકલો.