ઉત્તરાયણે રાજકોટમાં ભારત VS ન્યૂઝીલેન્ડ વન-ડે મેચ, 7,000 સુધી ટિકિટના ભાવ બોલાયા

Cricket Fever in Rajkot | નવા વર્ષની શરૂઆતમાં જ સૌરાષ્ટ્રના ક્રિકેટરસિકો માટે મોટા સમાચાર આવ્યા છે. આગામી 14 જાન્યુઆરી (ઉત્તરાયણ) ના રોજ રાજકોટના જામનગર રોડ પર આવેલા નિરંજન શાહ સ્ટેડિયમ (Niranjan Shah Stadium) ખાતે ભારત અને ન્યૂઝીલેન્ડ વચ્ચે બીજી વન-ડે (ODI) મેચ રમાવાની છે. સૌરાષ્ટ્ર ક્રિકેટ એસોસિયેશન (SCA) દ્વારા આ મેચ માટેની તમામ તૈયારીઓને આખરી ઓપ આપવામાં આવી રહ્યો છે.

ઓનલાઇન ટિકિટ બુકિંગ શરૂ (Online Ticket Booking)

SCA દ્વારા ટિકિટના દર જાહેર કરી દેવામાં આવ્યા છે. પ્રેમીઓ હવે BookMyShow પર ઓનલાઇન ટિકિટ બુક કરી શકશે. ટિકિટના ભાવ ₹1,500 થી ₹7,000 સુધી નક્કી કરવામાં આવ્યા છે.

ટિકિટના દરોની વિગત (Ticket Rates):

સ્ટેન્ડ લેવલ (Stand Level) : ઇસ્ટ સ્ટેન્ડ  1, 2, 3 રૂ. 1,500
વેસ્ટ સ્ટેન્ડ (West Stand) Level 1 રૂ. 2,000, Level 2 & 3 રૂ. 2,500
સાઉથ પેવેલિયન (South Pavilion)   Level 1 રૂ. 7,000
કોર્પોરેટ બોક્સ (Corporate Box) | VIP રૂ.6,000 – 7,000

ન્યૂઝીલેન્ડની ટીમ પ્રથમ વખત રાજકોટમાં (NZ Team Visit)

આંતરરાષ્ટ્રીય ક્રિકેટના ઇતિહાસમાં ન્યૂઝીલેન્ડની ટીમ પ્રથમ વખત રાજકોટની મહેમાન બની રહી છે. અત્યાર સુધી આ સ્ટેડિયમ પર કુલ 12 આંતરરાષ્ટ્રીય મેચ રમાયા છે. ગત વર્ષે જાન્યુઆરી 2025માં ભારતીય મહિલા ટીમે પણ અહીં આયર્લેન્ડ સામે શાનદાર વિજય મેળવ્યો હતો.

સ્ટાર ખેલાડીઓનો જલવો (Star Players in Action)

શુભમન ગિલની કેપ્ટનશિપ (Captaincy) હેઠળની ભારતીય ટીમમાં રોહિત શર્મા, વિરાટ કોહલી, અને રવીન્દ્ર જાડેજા જેવા દિગ્ગજ ખેલાડીઓનો સમાવેશ થાય છે. ખાસ કરીને વિરાટ અને રોહિતને લાઈવ રમતા જોવા માટે રાજકોટ અને સમગ્ર સૌરાષ્ટ્રમાંથી મોટી સંખ્યામાં ભીડ ઉમટી પડે તેવી શક્યતા છે. રિષભ પંત અને યશસ્વી જયસ્વાલ જેવા યુવા ખેલાડીઓ પણ આકર્ષણનું કેન્દ્ર રહેશે.

Player Role

About The Author

Chief Editor

See author's posts