28 રાજ્યો/કેન્દ્રશાસિત પ્રદેશોએ રિયલ એસ્ટેટ એપેલેટ ટ્રિબ્યુનલની સ્થાપના કરી છે અને 30 રાજ્યો/કેન્દ્રશાસિત પ્રદેશોએ RERA એક્ટ, 2016 હેઠળ રિયલ એસ્ટેટ રેગ્યુલેટરી ઓથોરિટીની સ્થાપના કરી છે

અટકી પડેલા રિયલ એસ્ટેટ પ્રોજેક્ટ્સને અંતિમ તબક્કાનું ભંડોળ પૂરું પાડવા માટે સરકારે રૂ. 25,000 કરોડની સ્પેશિયલ વિન્ડો ફોર એફોર્ડેબલ અને મિડ ઇન્કમ હાઉસિંગ ઇન્વેસ્ટમેન્ટ ફંડ બનાવી

અમદાવાદ, તા. 28-03-2022

મંત્રાલય પાસે ઉપલબ્ધ નવીનતમ માહિતી મુજબ, 28 રાજ્યો/ કેન્દ્રશાસિત પ્રદેશો (UTs) એ રિયલ એસ્ટેટ એપેલેટ ટ્રિબ્યુનલની સ્થાપના કરી છે અને 30 રાજ્યો/કેન્દ્રશાસિત પ્રદેશોએ રિયલ એસ્ટેટ (રેગ્યુલેશન એન્ડ ડેવલપમેન્ટ) એક્ટ, 2016(RERA) હેઠળ રિયલ એસ્ટેટ રેગ્યુલેટરી ઓથોરિટીની સ્થાપના કરી છે. રાજ્યવાર અમલીકરણ વિગતો જોડાયેલ છે. રિયલ એસ્ટેટ ટ્રિબ્યુનલ્સમાં પેન્ડિંગ કેસોની સંખ્યા અને તેનો ઉકેલ લાવવામાં લેવાયેલા સરેરાશ સમય અંગેની માહિતી કેન્દ્રિય રીતે રાખવામાં આવતી નથી.    

સરકાર દ્વારા સમયાંતરે ઘર ખરીદનારાઓના હિતના રક્ષણ માટે વિવિધ પગલાં લેવામાં આવ્યા છે. RERA રિયલ એસ્ટેટ સેક્ટરમાં પારદર્શક અને જવાબદાર રીતે નિયમન અને પ્રચાર કરીને ઘર ખરીદનારાઓના હિતનું રક્ષણ કરવાની ખાતરી આપે છે. RERAની કલમ 4 બાંધકામ અને જમીનની કિંમતને આવરી લેવા માટે ફાળવણી કરનારાઓ પાસેથી રિયલ એસ્ટેટ પ્રોજેક્ટ માટે વસૂલવામાં આવેલી રકમના સિત્તેર ટકા ફરજિયાત જમા કરાવવાની જોગવાઈ કરે છે. જો ડેવલપર પૂર્ણ કરવામાં નિષ્ફળ જાય અથવા ઘર ખરીદનારને એપાર્ટમેન્ટ, પ્લોટ, મકાનનો કબજો આપવામાં અસમર્થ હોય, તો RERA પણ સાથે સાથે, પ્રમોટરને વેચાણ માટેના કરારની શરતો અનુસાર વ્યાજ અને વળતર સહિતની રકમના રિફંડ માટે જવાબદાર બનાવે છે.

તદુપરાંત, અટવાયેલા રિયલ એસ્ટેટ પ્રોજેક્ટ્સને અંતિમ તબક્કાનું ભંડોળ પૂરું પાડવા માટે જે નેટ-વર્થ પોઝિટિવ છે અને RERA હેઠળ નોંધાયેલ છે, એક ખાસ વિન્ડો ફોર એફોર્ડેબલ એન્ડ મિડ ઈનકમ હાઉસિંગ (SWAMIH) ઈન્વેસ્ટમેન્ટ ફંડ રૂ. 25,000 કરોડની રચના કરવામાં આવી છે.