‘સ્વચ્છ ટ્રેક મેગા અભિયાન

સ્વચ્છતા પખવાડિયું-૨૦૨૬ અંતર્ગત અમદાવાદ મંડળમાં ‘સ્વચ્છ ટ્રેક મેગા અભિયાન’નું આયોજન

મહાત્મા ગાંધી જયંતી પર સાબરમતીથી વટવા સુધી લગભગ ૧૫ કિલોમીટર રેલ ટ્રેક પર શ્રમદાન

સાબરમતી રેલ્વે સ્ટેશન પર DRM વેદ પ્રકાશે લેવડાવ્યા સ્વચ્છતાના શપથ

૧૫ ઓક્ટોબર ૨૦૨૬ સુધી ચાલશે સ્વચ્છતા અને જાગૃતિ લક્ષી પ્રવૃત્તિઓ

અમદાવાદ, ૨ ઓક્ટોબર ૨૦૨૬: મહાત્મા ગાંધી જયંતીના પ્રસંગે સ્વચ્છતા પખવાડિયું-૨૦૨૬ અંતર્ગત પશ્ચિમ રેલ્વેના અમદાવાદ મંડળમાં આજે મંડળ રેલ પ્રબંધક (DRM) શ્રી વેદ પ્રકાશના નેતૃત્વમાં ‘સ્વચ્છ ટ્રેક મેગા અભિયાન’નું વ્યાપક આયોજન કરવામાં આવ્યું હતું. આ પ્રસંગે સાબરમતી રેલ્વે સ્ટેશન પર મંડળ રેલ પ્રબંધક શ્રી વેદ પ્રકાશે રેલ અધિકારીઓ, કર્મચારીઓ, સ્વચ્છતા પ્રહરીઓ, સ્કાઉટ અને ગાઇડના સભ્યોને સ્વચ્છતાના શપથ લેવડાવ્યા હતા. તમામ લોકોએ સ્વચ્છ રેલ પરિસર, સ્વચ્છ ટ્રેક અને સ્વચ્છ રેલ્વેના સંકલ્પને સાકાર કરવા માટે સામૂહિક રીતે સ્વચ્છતા અને જનભાગીદારીને પ્રોત્સાહન આપવાનો સંકલ્પ લીધો હતો.

ત્યારબાદ મંડળ રેલ પ્રબંધક શ્રી વેદ પ્રકાશના નેતૃત્વમાં રેલ અધિકારીઓ અને કર્મચારીઓએ સાબરમતીથી વટવા સુધી લગભગ ૧૫ કિલોમીટર રેલ ટ્રેક અને સ્ટેશન પરિસરમાં શ્રમદાન કરીને સ્વચ્છતા અભિયાનમાં સક્રિય સહભાગિતા નોંધાવી હતી. અભિયાન દરમિયાન ટ્રેકની આસપાસના વિસ્તારો, સ્ટેશન પરિસર અને અન્ય રેલ્વે વિસ્તારોમાં સાફ-સફાઈ કરવામાં આવી હતી તથા સ્વચ્છતાનો સંદેશ આપવામાં આવ્યો હતો.

આ અભિયાન અંતર્ગત મંડળના તમામ સ્ટેશન માસ્ટર અને સુપરવાઈઝર, ક્લીનિંગ સ્ટાફ તથા અન્ય રેલ કર્મચારીઓ દ્વારા પોતાના હોમ સ્ટેશનથી પછીના સ્ટેશન સુધી ટ્રેક અને સ્ટેશન પરિસરની સાફ-સફાઈમાં સક્રિય સહભાગિતા નોંધાવવામાં આવી હતી. આ ઉપરાંત વિવિધ સ્ટેશનો, યાર્ડ, રેલ્વે કોલોનીઓ તથા ટ્રેકના કિનારાના વિસ્તારોમાં એક સાથે શ્રમદાન અને વિશેષ સ્વચ્છતા અભિયાન ચલાવવામાં આવ્યું હતું.

અમદાવાદ મંડળના વિવિધ સ્ટેશનો પર પણ આજે વ્યાપક સ્તરે સ્વચ્છતા પ્રવૃત્તિઓ આયોજિત કરવામાં આવી હતી. અમદાવાદ, સાબરમતી, વિરમગામ, માળિયા મિયાણા, રાધનપુર, ધ્રાંગધ્રા, મહેસાણા, પાલનપુર, ભુજ, ગાંધીધામ, અસારવા અને હિંમતનગર સહિત મંડળના વિવિધ સ્ટેશનો, યાર્ડ, રેલ્વે કોલોનીઓ, હેલ્થ યુનિટ તથા ટ્રેકસાઇડ વિસ્તારોમાં રેલ કર્મચારીઓ અને અન્ય સહભાગી સમૂહો દ્વારા વિશેષ સાફ-સફાઈ અભિયાન ચલાવવામાં આવ્યું હતું.

આ સ્વચ્છતા અભિયાનમાં રેલ્વે કર્મચારીઓ, તેમના પરિવારજનો, રેલ્વે સુરક્ષા બળ (RPF), સ્કાઉટ અને ગાઇડ, સ્વયંસેવી સંસ્થાઓ તથા અન્ય સહભાગી સમૂહોએ સક્રિય રીતે ભાગ લીધો હતો. શ્રમદાનના માધ્યમથી સ્વચ્છતાને જનઆંદોલનનું સ્વરૂપ આપવાનો પ્રયાસ કરવામાં આવ્યો હતો. રેલ્વે વાહનવ્યવહારને અસર પહોંચાડ્યા વિના અને રનિંગ લાઈન્સની નજીક નક્કી કરેલા સુરક્ષા નિયમોનું પાલન કરીને તમામ સ્વચ્છતા પ્રવૃત્તિઓ સંચાલિત કરવામાં આવી હતી.

સ્વચ્છતા પખવાડિયું-૨૦૨૬ અંતર્ગત ૧ ઓક્ટોબરથી ૧૫ ઓક્ટોબર ૨૦૨૬ સુધી અમદાવાદ મંડળમાં વિવિધ સ્વચ્છતા અને જાગૃતિ લક્ષી પ્રવૃત્તિઓ આયોજિત કરવામાં આવી રહી છે. આગામી કાર્યક્રમો અંતર્ગત ૩ થી ૫ ઓક્ટોબર સુધી મુખ્ય સ્થાનો પર સઘન સફાઈ અભિયાન, ૬ થી ૮ ઓક્ટોબર સુધી ટ્રેકસાઇડ અને લીગસી વેસ્ટની સફાઈ, ૯ થી ૧૦ ઓક્ટોબર સુધી બિનજરૂરી પોસ્ટર, બેનર્સ અને ગુટખાના ડાઘ દૂર કરવાનું અભિયાન તથા ૧૧ થી ૧૫ ઓક્ટોબર સુધી ઘન કચરા વ્યવસ્થાપન નિયમો (સોલિડ વેસ્ટ મેનેજમેન્ટ રૂલ્સ), ૨૦૨૬ નું પાલન અને જાગૃતિ સંબંધિત પ્રવૃત્તિઓ આયોજિત કરવામાં આવશે.

અમદાવાદ મંડળ દ્વારા સ્વચ્છતા પખવાડિયું-૨૦૨૬ ના માધ્યમથી રેલ્વે પરિસર, ટ્રેક, સ્ટેશનો અને આસપાસના વિસ્તારોમાં સ્વચ્છતાને વધુ મજબૂત કરવા સાથે-સાથે મુસાફરો, રેલ કર્મચારીઓ અને આમ જનતામાં સ્વચ્છતા પ્રત્યે જાગૃતિ વધારવા પર ખાસ ભાર મૂકવામાં આવી રહ્યો છે. ‘સ્વચ્છ ટ્રેક મેગા અભિયાન’ સ્વચ્છ રેલ, સ્વચ્છ ટ્રેક અને સ્વચ્છ રેલ્વેનો સંદેશ ઘર-ઘર સુધી પહોંચાડવા તથા સ્વચ્છતાને જનભાગીદારીનો અભિન્ન ભાગ બનાવવાની દિશામાં એક મહત્વપૂર્ણ પ્રયાસ છે.