દીવાળી અને છઠ પૂજા દરમિયાન યાત્રીઓની સુવિધા અને સુરક્ષિત યાત્રા માટે કરી વ્યાપક વ્યવસ્થા

અમદાવાદ મંડળે દીવાળી અને છઠ પૂજા દરમિયાન યાત્રીઓની સુવિધા અને સુરક્ષિત યાત્રા માટે કરી વ્યાપક વ્યવસ્થા

અમદાવાદ, સાબરમતી અને અસારવા સ્ટેશન પર 24×7 દેખરેખ, વધારાના સુરક્ષા બળ અને હોલ્ડિંગ એરિયાની વ્યવસ્થા

પશ્ચિમ રેલવેના અમદાવાદ મંડળ દ્વારા દિવાળી અને છઠ પૂજાના તહેવારો દરમિયાન યાત્રીઓની વધતી સંખ્યા અને વધારાની ભીડને ધ્યાનમાં રાખીને સુરક્ષિત, સરળ અને વ્યવસ્થિત રેલવે યાત્રા સુનિશ્ચિત કરવા માટે વ્યાપક વ્યવસ્થા કરવામાં આવી છે. યાત્રીઓની સુવિધા માટે વિવિધ ગંતવ્ય સ્થાનો માટે વિશેષ ટ્રેનોની 70 થી વધુ ટ્રિપ ચલાવવામાં આવી રહી છે. આ ઉપરાંત, મુખ્ય ટ્રેનોમાં વધારાના કોચ જોડવામાં આવ્યા છે તથા અમદાવાદ, સાબરમતી અને અસારવા રેલવે સ્ટેશનો પર ભીડ વ્યવસ્થાપન અને સુરક્ષાના વિશેષ વ્યવસ્થા કરવામાં આવી છે.

મંડળ રેલ પ્રબંધક શ્રી વેદ પ્રકાશ એ જણાવ્યું કે દિવાળી અને છઠ પૂજા દરમિયાન યાત્રીઓની વધારાની ભીડને જોતાં મુખ્ય રૂપે ઉત્તર ભારત તરફ જતી વિશેષ ટ્રેનોનું સંચાલન કરવામાં આવી રહ્યું છે. આ ટ્રેનો મારફતે બિહાર, પશ્ચિમ બંગાળ, ઝારખંડ અને ઉત્તર પ્રદેશ જનારા યાત્રીઓને સુવિધા મળશે. આ ઉપરાંત, રાજકોટ અને ભુજ તરફથી આવતી તથા અમદાવાદ અને સાબરમતી સ્ટેશનો થઈને પસાર થતી લગભગ 20 થી 25 થ્રુ-પાસિંગ ટ્રેનોના યાત્રીઓની અવરજવરને પણ ધ્યાનમાં રાખીને પૂરતી વ્યવસ્થાઓ કરવામાં આવી છે.
તેમણે જણાવ્યું કે રેલવે પ્રશાસન, રેલવે સુરક્ષા દળ (RPF), રાજકીય રેલવે પોલીસ (GRP) અને ટ્રાફિક પોલીસ દ્વારા પરસ્પરના સંકલનથી એક વિગતવાર યોજના તૈયાર કરવામાં આવી છે. આ હેઠળ અનરિઝર્વ્ડ યાત્રીઓની ભીડને અલગ-અલગ વ્યવસ્થિત કરવા તથા રિઝર્વ્ડ ટિકિટ વાળા યાત્રીઓ માટે અલગ વ્યવસ્થા સુનિશ્ચિત કરવામાં આવી છે. રિઝર્વ્ડ યાત્રીઓના સ્ટેશન પર પ્રવેશ, પ્લેટફોર્મ સુધી પહોંચવા, રાહ જોવાની તથા નિર્ધારિત સમયે ટ્રેનમાં ચઢવાની આખી પ્રક્રિયાને સુવ્યવસ્થિત કરવામાં આવી છે. સ્ટેશન સંકુલમાં અને પ્લેટફોર્મ પર યાત્રીઓની અવરજવર અને ભીડની સ્થિતિ પર સીસીટીવી કેમેરા મારફતે સતત દેખરેખ રાખવામાં આવી રહી છે, જેથી કોઈપણ પરિસ્થિતિમાં તાત્કાલિક આવશ્યક પગલાં લઈ શકાય. રેલવે પ્રશાસનનો પ્રયાસ છે કે તહેવારો દરમિયાન દરેક યાત્રીને સુરક્ષિત, સરળ અને ઉત્તમ યાત્રાનો અનુભવ ઉપલબ્ધ કરાવવામાં આવી શકે.

તહેવારો દરમિયાન વિશેષ ટ્રેનોનું સંચાલન

તહેવારો દરમિયાન યાત્રીઓની વધારાની ભીડને ધ્યાનમાં રાખીને પશ્ચિમ રેલવે દ્વારા નવેમ્બર 2026 માં વિવિધ ગંતવ્ય સ્થાનો માટે વિશેષ ટ્રેનોનું સંચાલન કરવામાં આવી રહ્યું છે. આમાં મુખ્ય રૂપે સાબરમતી–લાલકુઆં, અસારવા–કાનપુર સેન્ટ્રલ, અસારવા–આગરા કેન્ટ, ભુજ–બાન્દ્રા ટર્મિનસ, અમદાવાદ–મંગલુરૂ જંક્શન, સાબરમતી–હરિદ્વાર, અમદાવાદ–દરભંગા, ગાંધીધામ–ભાગલપુર, સાબરમતી–પ્રયાગરાજ, અમદાવાદ–મુંબઈ સેન્ટ્રલ, અમદાવાદ–માલદા ટાઉન, અસારવા–પ્રયાગરાજ અને અમદાવાદ–રાજગીર વિશેષ ટ્રેનો સામેલ છે.

મુખ્ય ટ્રેનોમાં વધારાના કોચની વ્યવસ્થા

યાત્રીઓની વધારાની ભીડને ધ્યાનમાં રાખીને વિવિધ ટ્રેનોમાં વધારાના કોચ પણ જોડવામાં આવ્યા છે, જેનાથી યાત્રીઓને વધુ સીટો ઉપલબ્ધ થઈ શકે.

અમદાવાદ, સાબરમતી અને અસારવા રેલવે સ્ટેશનો પર વિશેષ ભીડ વ્યવસ્થાપન અને સુરક્ષા બંદોબસ્ત

અમદાવાદ રેલવે સ્ટેશન પર મુસાફરોની સુરક્ષા અને ભીડ નિયંત્રણ સુનિશ્ચિત કરવા માટે વધારાના સુરક્ષા દળોની સાથે રેલવે સુરક્ષા વિશેષ દળ (RPSF)ની એક વધારાની કંપનીની મદદથી પૂરતી સંખ્યામાં સુરક્ષાકર્મીઓની તૈનાતી કરવામાં આવી છે. તહેવારો દરમિયાન મુસાફરોની વધારાની ભીડને ધ્યાનમાં રાખીને અમદાવાદ સ્ટેશન પર 55, સાબરમતી સ્ટેશન પર 40 અને અસારવા સ્ટેશન પર 15 વધારાના રેલવે સુરક્ષા દળ (RPF)ના જવાનોની તૈનાતી કરવામાં આવી છે. આ ઉપરાંત, અમદાવાદ, સાબરમતી અને અસારવા રેલવે સ્ટેશનો પર અધિકારીઓ અને કર્મચારીઓની ચોવીસ કલાક (24×7) ડ્યુટી લગાવવામાં આવી છે. મુસાફરોને હોલ્ડિંગ એરિયામાં વ્યવસ્થિત રીતે બેસાડવા તેમજ નિર્ધારિત સમયે કતારબદ્ધ રીતે ટ્રેનોમાં ચઢાડવા માટે વિશેષ વ્યવસ્થા કરવામાં આવી છે. સાથે જ, મહિલા મુસાફરો, દિવ્યાંગજનો, વરિષ્ઠ નાગરિકો અને બાળકો સાથે મુસાફરી કરતા મુસાફરોને પ્રાથમિકતા આપવામાં આવી રહી છે.

સુરક્ષા વ્યવસ્થાને વધુ મજબૂત બનાવવા માટે અમદાવાદ રેલવે સ્ટેશન પર 119 અને સાબરમતી રેલવે સ્ટેશન પર 121 CCTV કેમેરા લગાવવામાં આવ્યા છે. આ ઉપરાંત, દેખરેખ વ્યવસ્થાને વધુ વ્યાપક બનાવવા માટે અમદાવાદ રેલવે સ્ટેશન પર 60 વધારાના CCTV કેમેરા લગાવવાનો પ્રસ્તાવ પણ મોકલવામાં આવ્યો છે. આ કેમેરા દ્વારા સ્ટેશન પરિસરમાં 24×7 સતત દેખરેખ રાખવામાં આવી રહી છે તથા CCTV કંટ્રોલ રૂમમાં કર્મચારીઓની ચોવીસ કલાક તૈનાતી કરવામાં આવી છે. આ ઉપરાંત, મુસાફરો સંબંધિત ગુનાઓને રોકવા માટે સાદા વસ્ત્રોમાં રેલવે સુરક્ષા દળના જવાનોને પણ તૈનાત કરવામાં આવ્યા છે.

સાબરમતી સ્ટેશન પર ટિકિટ કાઉન્ટરથી લઈને હોલ્ડિંગ એરિયા, પ્લેટફોર્મ અને ટ્રેનમાં ચઢવા સુધી સુવ્યવસ્થિત કતાર વ્યવસ્થાપન સુનિશ્ચિત કરવામાં આવ્યું છે. મુસાફરોને ટિકિટ આપ્યા બાદ હોલ્ડિંગ એરિયા સુધી પહોંચાડવામાં આવે છે અને નિર્ધારિત સમયે કતારબદ્ધ રીતે પ્લેટફોર્મ પર લઈ જઈને ટ્રેનમાં બેસાડવામાં આવે છે.
PA સિસ્ટમ અને લાઉડ હેલર દ્વારા મુસાફરોને ધક્કામુક્કી ન કરવા, ટ્રેનના દરવાજા કે પગથિયાં પર ઊભા રહીને મુસાફરી ન કરવા, મહિલા અને બાળકોની સુરક્ષા જાળવવા તેમજ અજાણ્યા વ્યક્તિઓ પાસેથી ખાદ્યપદાર્થો કે પીણાં સ્વીકારવા નહીં તે અંગે સતત જાગૃત કરવામાં આવી રહ્યા છે.

મુસાફરોને હોલ્ડિંગ એરિયામાં વ્યવસ્થિત રીતે બેસાડવા તથા નિર્ધારિત સમયે કતારબદ્ધ રીતે ટ્રેનોમાં ચઢાડવાની વ્યવસ્થા કરવામાં આવી છે. મહિલા મુસાફરો, દિવ્યાંગજનો, વરિષ્ઠ નાગરિકો અને બાળકો સાથે મુસાફરી કરતા મુસાફરોને પ્રાથમિકતા આપવામાં આવી રહી છે. આ ઉપરાંત, મુસાફરો સંબંધિત ગુનાઓની રોકથામ માટે સાદા વસ્ત્રોમાં રેલવે સુરક્ષા દળના જવાનોની પણ તૈનાતી કરવામાં આવી છે.