ઠૂમકો મારતા જ પતંગ આકાશમાં પહોંચી જશે! જાણો ઉત્તરાયણે પવનની દિશા અને ગતિ

Uttarayan 2026 Weather Forecast | ગુજરાતીઓના સૌથી મનગમતા તહેવાર ઉત્તરાયણને (Uttarayan 2026) હવે ગણતરીના કલાકો જ બાકી છે. પતંગરસિકો માટે હવામાન વિભાગ (IMD) અને જાણીતા હવામાન નિષ્ણાત અંબાલાલ પટેલે (Ambalal Patel) ખુશખબર આપ્યા છે. આ વર્ષે પતંગબાજી માટે કુદરત મહેરબાન રહેશે અને આકાશ રંગબેરંગી પતંગોથી છવાઈ જશે.

પવનની ગતિ અને દિશા (Wind Speed & Direction)

હવામાન વિભાગની આગાહી મુજબ, ૧૪ અને ૧૫ જાન્યુઆરી દરમિયાન રાજ્યમાં સરેરાશ ૫ થી ૧૫ કિ.મી. પ્રતિ કલાકની ઝડપે પવન ફૂંકાશે.

• ૧૪ જાન્યુઆરી (ઉત્તરાયણ): પવનની દિશા મુખ્યત્વે ઉત્તર-પશ્ચિમ (North-West) તરફની રહેશે. અમદાવાદમાં સવારે પવનની ગતિ ૭ થી ૯ કિ.મી. રહેવાની શક્યતા છે.

• ૧૫ જાન્યુઆરી (વાસી ઉત્તરાયણ): પવનની દિશા બદલાઈને ઉત્તર-પૂર્વ (North-East) તરફ થવાની શક્યતા છે, જે પતંગ ચગાવવા માટે ઉત્તમ માનવામાં આવે છે.

સવારે ધીમો પવન, ૧૦ વાગ્યા પછી જામશે માહોલ

જો તમે વહેલી સવારે જ ધાબા પર પહોંચી જવાના પ્લાન કરતા હોવ, તો જાણી લો કે સવારના સમયે પવનની ગતિ થોડી ધીમી રહી શકે છે. જોકે, સવારે ૧૦ વાગ્યા પછી પવનની સ્પીડમાં વધારો થશે. બપોર પછી પવનનું જોર પતંગબાજી માટે યોગ્ય માહોલ (Perfect Atmosphere) સર્જશે, જે પતંગરસિકોને મોડી સાંજ સુધી પેચ લડાવવાની મજા આપશે.

ઠંડીનો ચમકારો રહેશે અકબંધ

પવન પતંગબાજોને સાથ આપશે, પરંતુ સાથે જ કાતિલ ઠંડીનો (Cold Wave) સામનો પણ કરવો પડશે. અંબાલાલ પટેલની આગાહી મુજબ, ઉત્તર ભારતના બર્ફીલા પવનોને કારણે લઘુત્તમ તાપમાનમાં ઘટાડો થશે. અમદાવાદમાં પારો ૧૫ ડિગ્રી સુધી ગગડી શકે છે, તેથી ધાબા પર પતંગ ઉડાવતી વખતે ગરમ કપડાં સાથે રાખવા જરૂરી છે.

સુરક્ષાના નિયમોનું પાલન

ઉત્તરાયણ દરમિયાન પક્ષીઓને બચાવવા માટે ચાઈનીઝ દોરીનો ઉપયોગ ન કરવા અને ઈજાગ્રસ્ત પક્ષીઓ માટે ‘કરુણા અભિયાન’ (Karuna Abhiyan) હેઠળ ૧૯૬૨ હેલ્પલાઈન નંબર પર સંપર્ક કરવા અપીલ કરવામાં આવી છે.