ક્રૂડ ઓઈલના ભાવ ઘટશે? અમેરિકાએ ઈરાન પરના ઓઈલ પ્રતિબંધો હટાવ્યા, ભારત પર થશે મોટી અસર

US Lifts Iran Oil Sanctions | અમેરિકા અને ઈઝરાયેલ (Israel) વચ્ચે ચાલી રહેલા તણાવ અને મિડલ ઈસ્ટના યુદ્ધ (Middle East War) વચ્ચે એક મહત્વના સમાચાર સામે આવ્યા છે. અમેરિકાના નાણા મંત્રાલયે ઈરાન પર લાગેલા ઓઈલ પ્રતિબંધોને અસ્થાયી રૂપે હટાવવાની જાહેરાત કરી છે. આ નિર્ણયથી વૈશ્વિક બજારમાં ક્રૂડ ઓઈલ (Crude Oil) ના ભાવમાં ઘટાડો થવાની શક્યતા છે.

14 કરોડ બેરલ તેલ બજારમાં આવશે: અમેરિકાના નાણા મંત્રી સ્કોટ બેસેન્ટે (Scott Bessent) જણાવ્યું કે, હાલ સમુદ્રમાં રહેલા આશરે 14 કરોડ બેરલ તેલને વેચવાની મંજૂરી આપવામાં આવી છે. જોકે, આ મંજૂરી માત્ર ટૂંકા ગાળા માટે છે અને નવા ઉત્પાદન માટે નથી.

ભારત પર અસર: ભારત પોતાની જરૂરિયાતનું 85% થી વધુ તેલ આયાત (Import) કરે છે. જો ક્રૂડના ભાવ ઘટીને $90-$95 પ્રતિ બેરલ સુધી આવશે, તો ભારતમાં પેટ્રોલ-ડીઝલ (Petrol-Diesel) ના ભાવ વધતા અટકશે અને રૂપિયો મજબૂત થશે.

ડોનાલ્ડ ટ્રમ્પનો એક્ઝિટ પ્લાન: અમેરિકી પ્રમુખ ડોનાલ્ડ ટ્રમ્પે (Donald Trump) સંકેત આપ્યા છે કે અમેરિકાના સૈન્ય ઉદ્દેશ્યો પૂર્ણ થવાના આરે છે. તેમણે દાવો કર્યો છે કે ઈરાનની મિસાઈલ ક્ષમતા અને સંરક્ષણ ઉદ્યોગને નષ્ટ કરવામાં આવ્યા છે.

સ્ટ્રેટ ઓફ હોર્મુઝની સુરક્ષા: ટ્રમ્પે સ્પષ્ટ કર્યું છે કે જે દેશો સ્ટ્રેટ ઓફ હોર્મુઝ (Strait of Hormuz) થી વેપાર કરે છે, તેમણે જ પોતાની સુરક્ષાની જવાબદારી ઉઠાવવી પડશે, અમેરિકા માત્ર જરૂર પડે ત્યારે જ મદદ કરશે.