આધાર કાર્ડની શરૂઆત બાદ 16 વર્ષે UIDAI ગ્લોબલ એક્સેસની તૈયારીમાં, NRI અને OCIને થશે ફાયદો

Aadhaar goes global | ભારતમાં 2010 માં શરૂ કરાયેલા આધાર કાર્ડ પ્રોજેક્ટને હવે વૈશ્વિક સ્તરે લઈ જવાની તૈયારીઓ શરૂ થઈ ગઈ છે.

આધાર કાર્ડના લોન્ચિંગના 16 વર્ષ બાદ, યુનિક આઈડેન્ટિફિકેશન અથોરિટી ઓફ ઈન્ડિયા (UIDAI) એ જાહેરાત કરી છે કે આધારને વૈશ્વિક સ્તરે સુલભ બનાવવા માટે કામકાજ ચાલી રહ્યું છે.

આ પગલાથી વિદેશમાં રહેતા બિન-નિવાસી ભારતીયો (NRIs) અને ઓવરસીઝ સિટીઝન્સ ઓફ ઈન્ડિયા (OCIs) ને મોટો ફાયદો થશે.

વૈશ્વિક સ્તરે આધાર સેવાઓ ઉપલબ્ધ થવાથી વિદેશમાં વસતા ભારતીયો ભારતીય બેંકિંગ, પ્રોપર્ટી ટ્રાન્ઝેક્શન, સરકારી પોર્ટલ અને ડિજિટલ સેવાઓ સાથે સરળતાથી જોડાઈ શકશે.

અત્યાર સુધી વિદેશી નંબરો કે ઓનલાઈન વેરિફિકેશનમાં આવતી મુશ્કેલીઓ આ પહેલથી દૂર થવાની અપેક્ષા છે. UIDAI દ્વારા ગ્લોબલ ઇન્ફ્રાસ્ટ્રક્ચર અને સિક્યુરિટી પ્રોટોકોલ્સને ધ્યાનમાં રાખીને આ બ્લૂપ્રિન્ટ તૈયાર કરવામાં આવી રહી છે.

ડિજિટલ ઈન્ડિયાના વિઝનને આગળ વધારતા UIDAIનું આ પગલું સીમાઓ પાર ભારતીય ડાયસ્પોરાને સશક્ત બનાવશે.

રિપોર્ટ મુજબ, ટેકનિકલ ઇન્ટિગ્રેશન અને એન્ક્રિપ્શન સ્ટાન્ડર્ડ્સ પર કામ ચાલી રહ્યું છે જેથી વિદેશમાંથી ઓથેન્ટિકેશન સુરક્ષિત રીતે થઈ શકે.

આ લાંબા ગાળાની રણનીતિ માત્ર ઓળખ પત્ર પૂરતી સીમિત નહીં રહે પરંતુ વૈશ્વિક સ્તરે ડિજિટલ પબ્લિક ગુડ તરીકે આધારની સ્વીકૃતિ વધારશે.