Video: સુરત પોલીસ બન્યા ‘ચાવાળા’ અને ગ્રાહક: 21 વર્ષ પહેલા હુમલો કરી ભાગેલા બે ભાઈઓ પ્રયાગરાજથી ઝડપાયા

Surat Police SOG Film style Crime Detection | કાયદાના હાથ લાંબા હોય છે તે વાત સુરત પોલીસના સ્પેશિયલ ઓપરેશન ગ્રુપ (SOG) એ સાબિત કરી દીધી છે. સુરતના વરાછા (Varachha) વિસ્તારમાં 21 વર્ષ પહેલા હથિયાર સાથે હુમલો કરી ફરાર થયેલા બે સગા ભાઈઓને પોલીસ ટીમે ઉત્તર પ્રદેશના પ્રયાગરાજ (Prayagraj) થી ફિલ્મી ઢબે ધરપકડ કરી છે.

ભિષ બદલીને ગોઠવ્યું જાળ આ ઓપરેશન (Operation) માટે હેડ કોન્સ્ટેબલ લાલભાઈ પોતે ‘ચાવાળા’ બન્યા હતા, જ્યારે કોન્સ્ટેબલ રામજીભાઈ લારી પર નજર રાખતા હતા. અન્ય એક હેડ કોન્સ્ટેબલ રાકેશભાઈ ગ્રાહક બનીને કલાકો સુધી સ્ટોલ પર બેસી રહ્યા હતા. ટેકનિકલ સર્વેલન્સ (Technical Surveillance) ની મદદથી આરોપીઓનું લોકેશન પ્રયાગરાજના અતરુસુઈયા ચોકડી પાસે હોવાની ખાતરી થતા પોલીસે આ વેશ ધારણ કર્યો હતો.

શૂન્યમાંથી કડીઓ જોડી વર્ષ 2005 માં વરાછામાં મારામારી અને હથિયારનો ગુનો નોંધી આ બંને ભાઈઓ ફરાર થઈ ગયા હતા. તેઓ જે ઝૂંપડપટ્ટીમાં રહેતા હતા તેનું ડિમોલિશન (Demolition) થઈ ગયું હોવાથી પોલીસ પાસે કોઈ સરનામું નહોતું. જોકે, પોલીસે 200 થી વધુ જૂના પડોશીઓની પૂછપરછ કરી છેવટે જૌનપુર અને ત્યારબાદ પ્રયાગરાજ સુધી પહોંચવામાં સફળતા મેળવી હતી.

સામાન્ય જીવન જીવતા હતા આરોપીઓ પકડાયેલા આરોપી સંતોષ યાદવ પ્રયાગરાજમાં ઈંડા અને ચાની લારી ચલાવતો હતો, જ્યારે બીજો ભાઈ શિયુ યાદવ ગેરેજ (Garage) ચલાવતો હતો. તેમને વિશ્વાસ હતો કે 21 વર્ષ પછી પોલીસ તેમને ક્યારેય નહીં શોધી શકે. સુરત પોલીસના ડીસીપી (DCP) રાજદીપસિંહ નકુમે જણાવ્યું કે, કડક મહેનત અને વ્યૂહરચનાને કારણે આ સફળતા મળી છે.