પીરિયડ્સ લીવથી મહિલાઓની કારકિર્દીને નુકસાન થઈ શકે છે: સુપ્રીમ કોર્ટનો મહત્વનો ચુકાદો

Supreme Court on Menstrual Leave: સુપ્રીમ કોર્ટે (Supreme Court) શુક્રવારે માસિક ધર્મ (Periods) દરમિયાન રજા આપવા માટેના રાષ્ટ્રીય કાયદા (National Policy) અંગે ગંભીર ચિંતા વ્યક્ત કરી છે. ચીફ જસ્ટિસ (Chief Justice) સૂર્યકાંતની આગેવાની હેઠળની બેન્ચે જણાવ્યું હતું કે, જો આવી રજાઓને કાયદાકીય રીતે ફરજિયાત બનાવવામાં આવે, તો તેનાથી કાર્યસ્થળ (Workplace) પર મહિલાઓ સાથે ભેદભાવ (Discrimination) વધી શકે છે.

અદાલતે સાવધ કરતા કહ્યું કે, જો કાયદો કડક બનશે તો ખાનગી કંપનીઓ મહિલાઓને નોકરીએ રાખતા અચકાશે, જેની સીધી અસર તેમના કરિયર (Career) પર પડશે. ચીફ જસ્ટિસે ટિપ્પણી કરી કે આવી અરજીઓથી મહિલાઓની સક્ષમતા પર સવાલ ઉઠી શકે છે અને સંસ્થાઓ તેમને પુરુષો કરતા ‘ઓછી’ કાર્યક્ષમ ગણવા લાગે તેવી શક્યતા છે.

જોકે, કોર્ટે સ્પષ્ટ કર્યું કે તે માસિક ધર્મ (Menstruation) અને સ્વચ્છતા (Hygiene) પ્રત્યે ગંભીર છે. જાન્યુઆરી 2026માં સુપ્રીમ કોર્ટે માસિક સ્વાસ્થ્યને કલમ 21 (Article 21) હેઠળ ‘જીવવાના અધિકાર’ (Right to Life)નો ભાગ ગણાવ્યો હતો. કોર્ટે અગાઉ શાળાઓમાં ફ્રી સેનિટરી નેપકિન્સ (Sanitary Napkins) અને અલગ શૌચાલયની સુવિધા માટે નિર્દેશો આપ્યા છે, પરંતુ પીરિયડ્સ લીવ (Menstrual Leave) બાબતે સાવધાની રાખવા જણાવ્યું છે.