90% લોકો ખોટું સનસ્ક્રીન ખરીદે છે, SPF નહીં પણ આ વસ્તુ છે વધુ જરૂરી, સ્કીન એક્સપર્ટે જણાવ્યું

Sunscreen PA Grade | તડકામાં વધુ સમય રહેવાથી સ્કીન પર ટેનિંગ (Tanning), પિગમેન્ટેશન (Pigmentation), કરચલીઓ અને સમય પહેલાં વૃદ્ધત્વ આવવાનું જોખમ વધી શકે છે. આનાથી બચવું હોય તો સનસ્ક્રીન (Sunscreen) નો ઉપયોગ ચોક્કસ કરવો જોઈએ.

છેલ્લા કેટલાક વર્ષોમાં સોશિયલ મીડિયા (Social media) અને બ્યુટી ઇન્ફ્લુએન્સર્સ (Beauty influencers) ના કારણે લોકોમાં, ખાસ કરીને યુવાનોમાં આનો ટ્રેન્ડ ખૂબ વધ્યો છે. પરંતુ મોટાભાગના લોકો માત્ર SPF જોઈને જ સનસ્ક્રીન ખરીદે છે, જ્યારે અન્ય કેટલીક બાબતો પર ધ્યાન આપવું વધુ જરૂરી છે.

નેશનલ લાઇબ્રેરી ઓફ મેડિસિન (National Library of Medicine) ના સંશોધન મુજબ, સનસ્ક્રીનની સ્કીન પર કેટલીક આડઅસરો પણ થઈ શકે છે.

સૂર્યમાંથી આવતા અલ્ટ્રાવાયોલેટ કિરણોમાં એક UV-A અને બીજા UV-B હોય છે. UV-B કિરણો સ્કીનની ઉપરની પરતને નુકસાન પહોંચાડે છે, જેનાથી સનબર્ન (Sunburn) અને સ્કીન કેન્સર (Skin cancer) નું જોખમ રહે છે. પરંતુ પૃથ્વી પર આવતા કિરણોમાં ૯૫% હિસ્સો UV-A કિરણોનો હોય છે, જે સ્કીનમાં ઊંડે સુધી જઈને મેલેનિન (Melanin) નું પ્રમાણ વધારે છે, જેનાથી સ્કીન કાળી પડે છે અને ફાઇન લાઇન્સ (Fine lines) આવે છે.

દિલ્હીની રામ મનોહર લોહિયા હોસ્પિટલના ડર્મેટોલોજી (Dermatology) વિભાગના સિનિયર મેડિકલ ઓફિસર (Senior Medical Officer) ડો. અખિલેશ થોલેના જણાવ્યા અનુસાર, SPF નો અર્થ સનબર્ન પ્રોટેક્શન ફેક્ટર (Sunburn Protection Factor) થાય છે, જે માત્ર UV-B કિરણો સામે રક્ષણ આપે છે. UV-A સામે સુરક્ષા મેળવવા માટે સનસ્ક્રીન પર PA ગ્રેડ જોવો ખૂબ જ જરૂરી છે:

PA+ : થોડી UVA સુરક્ષા

PA++ : મધ્યમ સુરક્ષા

PA+++ : સારી સુરક્ષા

PA++++ : સૌથી શ્રેષ્ઠ UVA સુરક્ષા

ડો. થોલેના મતે, સનસ્ક્રીન કોઈ જાદુઈ કે ચમત્કારી પ્રોડક્ટ નથી અને કંપનીઓના દાવાઓ પાછળ દરેક વ્યક્તિ માટે મજબૂત વૈજ્ઞાનિક પુરાવા (Scientific evidence) ઉપલબ્ધ નથી.

સનસ્ક્રીનને લઈને લોકોમાં ૫ મોટી ગેરસમજો પ્રવર્તે છે—જેમ કે તેને આખો દિવસ લગાવી રાખવી, દર ૨ કલાકે ફરીથી લગાવવી, અથવા વધારે SPF ને હંમેશાં બેસ્ટ માનવું. તડકાથી બચવા માટે બપોરના આકરા તડકામાં બહાર નીકળવાનું ટાળવું, ફૂલ સ્લીવ (Full sleeve) ના કપડાં પહેરવા, ટોપી અને સનગ્લાસ (Sunglasses) નો ઉપયોગ કરવો પણ એટલો જ જરૂરી છે.