અમેરિકા-ઈરાન યુદ્ધ પૂરું થયા પછી પણ 6 મહિના સુધી રહેશે આ ખતરો, ભારતની પણ ચિંતા વધી

Strait of Hormuz Crisis Update | પશ્ચિમ એશિયામાં ચાલી રહેલા તણાવ વચ્ચે વિશ્વના સૌથી મહત્વપૂર્ણ એનર્જી કોરિડોર (Energy Corridor) ગણાતા હોર્મુઝ સ્ટ્રેટમાં ગંભીર ખતરો ઊભો થયો છે. અમેરિકાના પેન્ટાગોન (Pentagon) ના ગુપ્ત રિપોર્ટ અનુસાર, ઈરાને આ સાંકડા સમુદ્રી માર્ગમાં મોટી સંખ્યામાં અત્યાધુનિક સી-માઈન્સ (Sea Mines) બિછાવી દીધી છે. આ પરિસ્થિતિ એટલી ગંભીર છે કે જો આજે યુદ્ધ વિરામ થાય તો પણ આ દરિયાઈ માર્ગને સુરક્ષિત કરવામાં ઓછામાં ઓછા 6 મહિનાનો સમય લાગી શકે તેમ છે.

ટેકનોલોજીથી સજ્જ માઈન્સ: હાઉસ આર્મ્ડ સર્વિસીસ કમિટી (House Armed Services Committee) ની બ્રીફિંગમાં જાણવા મળ્યું છે કે ઈરાને અંદાજે 20 કે તેથી વધુ GPS ટેકનોલોજીથી સજ્જ માઈન્સ ગોઠવી છે. જેને રિમોટ કંટ્રોલ (Remote Control) દ્વારા ગમે ત્યારે સક્રિય કરી શકાય છે. પેન્ટાગોનના પ્રવક્તા સીન પાર્નેલના જણાવ્યા મુજબ, આ માર્ગને સંપૂર્ણપણે સાફ કરવો એ એક મોટો પડકાર છે.

ભારત પર અસર: ભારત માટે આ સમાચાર ચિંતાજનક છે કારણ કે ભારતનો તેલ અને ગેસ સપ્લાય (Oil and Gas Supply) ખાડી દેશોમાંથી હોર્મુઝ થઈને જ આવે છે. જો આ સપ્લાય ચેઈન પ્રભાવિત થશે, તો ભારતમાં પેટ્રોલ-ડીઝલના ભાવ આસમાને પહોંચી શકે છે. ઈરાન આ માર્ગનો ઉપયોગ અમેરિકા સામે સોદાબાજી (Bargaining) કરવા માટે કરી રહ્યું છે, જેના કારણે ભારત સહિત વિશ્વના અર્થતંત્ર પર વિપરીત અસર પડવાની સંભાવના છે.