માતાઓ-બહેનોનું સન્માન એ જ દેશનું સન્માન’: મહિલા અનામત બિલ પર પીએમ મોદીનો ભાવુક સંદેશ

Women’s Reservation Bill | સંસદના વિશેષ સત્ર (Special Session) માં નારી શક્તિ વંદન અધિનિયમ (Women’s Reservation Bill) પર ચર્ચા શરૂ થાય તે પહેલાં વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ X પર એક પ્રેરણાદાયી પોસ્ટ શેર કરી છે.

પીએમ મોદીએ જણાવ્યું કે, ભારત આજે મહિલા સશક્તિકરણ (Women Empowerment)ની દિશામાં એક ઐતિહાસિક પગલું ભરવા માટે સંપૂર્ણ રીતે તૈયાર છે. તેમણે સ્પષ્ટપણે કહ્યું કે, “આપણી માતાઓ અને બહેનોનું સન્માન એ જ દેશનું સન્માન છે.”

પીએમ મોદીએ આ પોસ્ટ સાથે એક મિનિટની વિડીયો ક્લિપ (Video Clip) પણ શેર કરી છે, જેમાં સંસ્કૃત શ્લોક દ્વારા નારીને જ્ઞાનનો સ્ત્રોત (Source of Knowledge) ગણાવવામાં આવી છે.

આ શ્લોકનો અર્થ છે કે નારી પોતાના જ્ઞાનના પ્રકાશથી અજ્ઞાનના અંધકારને દૂર કરી સમગ્ર વિશ્વને આલોકિત કરે છે. પીએમએ વધુમાં ઉમેર્યું કે, સમૃદ્ધિ અને સદગુણોની કામના કરનારા મનુષ્યો હંમેશા નારીનું સન્માન કરે છે.

મહિલા અનામત બિલના માધ્યમથી સરકાર મહિલાઓના રાજકીય પ્રતિનિધિત્વ (Political Representation) ને મજબૂત કરવાના મક્કમ નિર્ધાર સાથે આગળ વધી રહી છે.