સ્માર્ટફોન લવર્સ માટે ખુશખબર: આ અઠવાડિયે લોન્ચ થશે iPhone 17e અને Google Pixel 10a સહિતના ધાકડ ફોન

Tech News : સ્માર્ટફોન માર્કેટમાં આ અઠવાડિયું ખૂબ જ ધમાકેદાર રહેવાનું છે. આશરે 60,000 રૂપિયા સુધીની રેન્જમાં શાનદાર કેમેરા અને પાવરફુલ બેટરીવાળા અનેક સ્માર્ટફોન્સ (Smartphones) એન્ટ્રી લેવા જઈ રહ્યા છે. જેમાં ગૂગલ, એપલ અને વીવો જેવી દિગ્ગજ કંપનીઓના નામ સામેલ છે.

Google Pixel 10a: આજે થશે લોન્ચ
ગૂગલ પિક્સેલ (Google Pixel 10a) આજે લોન્ચ થવા જઈ રહ્યો છે અને તેના પ્રી-ઓર્ડર (Pre-order) પણ આજથી શરૂ થશે.
ડિસ્પ્લે: 6.3 ઇંચની AMOLED સ્ક્રીન.
પ્રોસેસર: Tensor G4 ચિપસેટ.
કેમેરા: 48MP + 13MP રિયર અને 12MP ફ્રન્ટ કેમેરા.
બેટરી: 5,100mAh નો પાવરફુલ બેટરી પેક.

Infinix Note Edge: બજેટમાં દમદાર વિકલ્પ
Infinix પણ આજે તેનો નવો ફોન લોન્ચ કરી રહી છે. જેની અંદાજિત કિંમત 25,000 રૂપિયાની આસપાસ હોઈ શકે છે.
ફીચર્સ: 6.78 ઇંચની કર્વ્ડ AMOLED ડિસ્પ્લે અને 120Hz રિફ્રેશ રેટ.
બેટરી: 6,500mAh ની વિશાળ બેટરી.
પ્રોસેસર: MediaTek Dimensity 7100 ચિપસેટ.

Vivo V70 Series: 19 ફેબ્રુઆરીએ એન્ટ્રી
વીવો (Vivo) તેની લોકપ્રિય V-સિરીઝમાં બે નવા મોડલ Vivo V70 અને Vivo V70 Elite લોન્ચ કરશે.
કિંમત: શરૂઆતી કિંમત 45,000 થી 55,000 રૂપિયાની વચ્ચે રહેવાની શક્યતા છે. આ ફોન્સ પ્રીમિયમ ડિઝાઇન અને શાનદાર કેમેરા ફીચર્સ સાથે આવશે.

iPhone 17e: એપલનો કિફાયતી ફોન
સૌથી વધુ ચર્ચા એપલના (Apple) બજેટ આઇફોન iPhone 17e ની છે, જે 19 ફેબ્રુઆરીએ લોન્ચ થઈ શકે છે.
ચિપસેટ: લેટેસ્ટ A19 ચિપ.
ફીચર્સ: ડાયનામિક આઇલેન્ડ (Dynamic Island) અને સેલ્ફી માટે સેન્ટર સ્ટેજ કેમેરા.
કિંમત: ભારતમાં તેની શરૂઆતી કિંમત આશરે 60,000 રૂપિયા હોવાની અપેક્ષા છે.