NEET પેપર લીક: પ્રોફેસરોએ વિષયો વહેંચીને પેપર લીક કર્યું, CBIની પૂછપરછમાં ચોંકાવનારો ખુલાસો

NEET Paper Leak | સેન્ટ્રલ બ્યુરો ઓફ ઇન્વેસ્ટિગેશન (CBI) એ NEET પેપર લીક (Paper Leak) કેસમાં પોતાની તપાસ તેજ કરી દીધી છે. પુણે (Pune)ની એક પ્રતિષ્ઠિત કોલેજ સાથે જોડાયેલા પ્રોફેસર (Professor) મનીષા માંઢરેની પૂછપરછ માટે અટકાયત કરવામાં આવી છે.

દેશવ્યાપી પરીક્ષામાં થયેલી ગેરરીતિ અંગે ચાલી રહેલી તપાસના ભાગરૂપે, CBI ના અધિકારીઓએ શનિવારે પુણેમાં માંઢરેના નિવાસસ્થાને પૂછપરછ (Questioning) કરી હતી.

તપાસના સૂત્રોના જણાવ્યા અનુસાર, આરોપીઓએ પરીક્ષાના પેપરના ચોક્કસ ભાગોને લીક કરવા માટે વિષયો (Subjects) ની અંદરોઅંદર વહેંચણી કરી લીધી હતી. કથિત રીતે કેમિસ્ટ્રી (Chemistry) ના પ્રશ્નોની જવાબદારી પ્રહલાદ કુલકર્ણી પર હતી, જ્યારે પ્રોફેસર મનીષા માંઢરે બાયોલોજી (Biology) ના પ્રશ્નો સંભાળી રહ્યા હતા.

તપાસકર્તાઓને શંકા છે કે એક્ઝામ પેપર (Exam Paper) ના પસંદગીના પ્રશ્નો એજન્ટોના એક નેટવર્ક (Network) દ્વારા લીક કરવામાં આવ્યા હતા, જેમાં મનીષા વાઘમારે, ધનંજય લોખંડે અને શુભમ ખૈરનાર સામેલ હતા. ત્યારબાદ આ પેપર વિદ્યાર્થીઓ વચ્ચે વહેંચવામાં આવ્યા હતા.

મનીષા વાઘમારે અને પ્રહલાદ કુલકર્ણી એકબીજાને લાતુર (Latur) ના સમયથી ઓળખતા હતા અને તેઓ NEET પરીક્ષાઓ માટે પેપર સેટ (Paper Set) કરવામાં પણ જોડાયેલા હતા.

તપાસ દરમિયાન સામે આવ્યું છે કે માંઢરે અને કુલકર્ણી પોતાના ઘરેથી કોચિંગ ક્લાસ (Coaching Class) ચલાવતા હતા. વાઘમારે આ બંનેના ઘરે અવારનવાર જતી હતી.

લીક થયેલું પેપર ઘણા એજન્ટો (Agents) દ્વારા આગળ વધારવામાં આવ્યું હતું. મનીષા વાઘમારેએ તે પેપર ધનંજય લોખંડેને સોંપ્યું, જેણે તે નાસિક (Nashik) ના શુભમ ખૈરનારને આપ્યું હતું. ત્યારબાદ શુભમ ખૈરનારે આ પેપર ગુરુગ્રામ (Gurugram) ના યશ યાદવ સુધી પહોંચાડ્યું હતું.

ત્યાંથી યશ યાદવે તેને રાજસ્થાન (Rajasthan) ના સીકર (Sikar) ના બિવાલ ભાઈઓ સાથે શેર (Share) કર્યું હતું. CBI હાલ આ આખા રેકેટ (Racket) નો પર્દાફાશ કરવા તપાસ કરી રહી છે.