લિંક્ડઇન પર ઇમિગ્રેશન અધિકારીને રિકવેસ્ટ મોકલવી અમેરિકામાં નાગરિકત્વ માટે બની શકે છે મુશ્કેલીરૂપ

US Citizenship News | સાઉથ કેરોલિના (South Carolina) સ્થિત ‘બાનિયાસ લો’ (Banias Law) ના એક સોશિયલ મીડિયા પોસ્ટે અમેરિકામાં નાગરિકત્વ મેળવવા ઈચ્છતા લોકોનું ધ્યાન ખેંચ્યું છે.

યુએસ સિટિઝનશિપ એન્ડ ઇમિગ્રેશન સર્વિસીસ (USCIS) દ્વારા એક અરજદારના લિંક્ડઇન (LinkedIn) કનેક્શન રિકવેસ્ટને તેના ‘સારા નૈતિક ચારિત્ર્ય’ (Good Moral Character) ની વિરુદ્ધ ગણવામાં આવી છે, જે નાગરિકત્વ (Citizenship) મેળવવા માટે એક અનિવાર્ય શરત છે.

એક્સ (X) પર શેર કરાયેલી વિગતો મુજબ, આ અરજદારે તેની એપ્લિકેશન પેન્ડિંગ (Pending) હતી તે દરમિયાન સેન જોસે ફીલ્ડ ઓફિસ (San Jose Field Office) ના ડાયરેક્ટર અને સેન ફ્રાન્સિસ્કોના ડિસ્ટ્રિક્ટ ડાયરેક્ટરને લિંક્ડઇન (LinkedIn) પર કનેક્ટ થવા માટે વિનંતી મોકલી હતી. ઇન્ટરવ્યુ (Interview) દરમિયાન અરજદારે જણાવ્યું કે તેણે આ રિકવેસ્ટ એટલે મોકલી હતી જેથી અધિકારીઓ જાણી શકે કે તે વ્યક્તિ તરીકે કેવો છે.

જોકે, યુએસસીઆઈએસ (USCIS) ના જણાવ્યા મુજબ, આ વર્તન અરજદારો અને અધિકારીઓ વચ્ચેની વ્યાવસાયિક સીમાઓ (Professional Boundaries) નું ઉલ્લંઘન કરે છે અને એજન્સીના સત્તાવાર સંચાર માધ્યમો પ્રત્યે અનાદર દર્શાવે છે.

એજન્સીએ નોંધ્યું કે આ પ્રકારનું વર્તન સ્ટાફ પર દબાણ લાવવા કે પ્રભાવિત કરવાનો પ્રયાસ હોઈ શકે છે. આજના સમયમાં ડિપાર્ટમેન્ટ ઓફ હોમલેન્ડ સિક્યોરિટી (Department of Homeland Security) ના સ્ટાફને ધમકીઓનો સામનો કરવો પડતો હોય છે, તેથી અરજદારની આ સમજદારીનો અભાવ (Lack of Judgment) તેના નૈતિક ચારિત્ર્ય પર નકારાત્મક અસર પાડે છે.

‘બાનિયાસ લો’ એ એજન્સીના આ વલણની ટીકા કરતાં લખ્યું કે, અરજદારે અધિકારીઓ સાથે સીધો કોઈ અયોગ્ય સંપર્ક કર્યો ન હતો, માત્ર ફોલો (Follow) કરવાની રિકવેસ્ટ મોકલી હતી. ઇમિગ્રેશન એક્ટ (Immigration Act) ની કલમ 101(f) હેઠળ અધિકારીઓને ચારિત્ર્ય મૂલ્યાંકન માટે કાયદા બહારની બાબતો વિચારવાની પણ છૂટ છે.

Wow. @USCIS thinks a @LinkedIn follow request to its employees reveals a “lack of judgment” and “reflects adversely on [] good moral character.” It now wants to deny naturalization because an applicant sent a LinkedIn follow request so @USCIS could have access to his full… pic.twitter.com/Sl2nzIs3sF

— Banias Law (@BaniasLaw) June 25, 2026

જોકે, આ નોટિસ સંપૂર્ણ જાહેર ન થવાને કારણે એ સ્પષ્ટ નથી કે નાગરિકત્વ નકારવા પાછળ માત્ર લિંક્ડઇન (LinkedIn) રિકવેસ્ટ જ જવાબદાર હતી કે અન્ય કારણો પણ હતા.