કુલગામમાં છત્તીસગઢના બે હિંદુ મજૂરની હત્યા: 6 વર્ષમાં 46 પ્રવાસીઓની આતંકીઓએ કરી હત્યા

Kulgam Targeted Killing | જમ્મુ અને કાશ્મીરના (Jammu and Kashmir) કુલગામ (Kulgam) જિલ્લામાં તાજેતરમાં થયેલી પ્રવાસી મજૂરની હત્યા બાદ ક્ષેત્રમાં ભય અને ચિંતાનો માહોલ સર્જાયો છે.

કુલગામમાં શુક્રવારે પહેલગામ જેવો હુમલો થયો. આતંકવાદીઓએ ઈંટ-ભઠ્ઠા પર કામ કરી રહેલા પ્રવાસી મજૂરોના નામ પૂછ્યા, પછી છત્તીસગઢના બે હિંદુ મજૂરોને જૂથમાંથી અલગ કરીને ગોળી મારી દીધી. હુમલામાં એક મજૂરનું ઘટનાસ્થળે અને બીજા મજૂરનું હોસ્પિટલમાં મૃત્યુ થયું.

મૃત્યુ પામેલા યુવકોની ઓળખ 24 વર્ષના દીપક અને 28 વર્ષના ભૂપેન્દ્ર તરીકે થઈ છે. અધિકારીઓ અનુસાર, હુમલો કુલગામથી લગભગ 20 કિલોમીટર દૂર કેલામમાં થયો.

ઘટના સમયે ત્યાં ઘણા પ્રવાસી મજૂરો હાજર હતા, પરંતુ હિંદુ ફક્ત આ બંને જ હતા. આતંકવાદી હુમલાના સમાચાર મળતાની સાથે જ સુરક્ષા દળોએ સમગ્ર વિસ્તારને ઘેરી લીધો છે. વાહનોની તપાસ કરવામાં આવી રહી છે. જ્યારે પોલીસની ગાડીઓ આતંકવાદીઓની શોધમાં લાગી ગઈ છે.

આ ટાર્ગેટ કિલિંગ (Targeted Killing) બાદ સુરક્ષા દળો (Security Forces) અને સ્થાનિક વહીવટીતંત્ર (Administration) હાઇ એલર્ટ (High Alert) પર છે. પરંતુ તપાસકર્તાઓ અને સુરક્ષા સંસ્થાઓ અનુસાર, આ હુમલાનો મુખ્ય હેતુ અમરનાથ યાત્રા (Amarnath Yatra) ને નિશાન બનાવવાનો નથી, પરંતુ સ્થાનિક સ્તરે દહેશત ફેલાવવાનો અને પ્રવાસી નાગરિકોને ડરાવવાનો છે.

છેલ્લા 6 વર્ષના આંકડાઓ પર નજર કરીએ તો, કાશ્મીર ઘાટી (Kashmir Valley)માં આતંકવાદીઓ (Terrorists) દ્વારા ટાર્ગેટ કિલિંગની ઘટનાઓમાં નોંધપાત્ર વધારો થયો છે.

વર્ષ 2019માં આર્ટિકલ 370 (Article 370) નાટબૂદ થયા પછીથી અત્યાર સુધીમાં આતંકીઓએ 46 પ્રવાસી મજૂરો (Migrant Labourers) અને અન્ય રાજ્યોના નાગરિકોની ગોળી મારીને હત્યા કરી છે.

આ હુમલાઓ દ્વારા આતંકવાદી સંગઠનો (Terrorist Organisations) ઘાટીની શાંતિ અને આર્થિક ગતિવિધિઓને નુકસાન પહોંચાડવાનો પ્રયાસ કરી રહ્યા છે.

સુરક્ષા એજન્સીઓ (Security Agencies) ના જણાવ્યા અનુસાર, અમરનાથ યાત્રા (Amarnath Yatra) માટે ત્રિસ્તરીય સુરક્ષા ઘેરો (Three-tier Security Grid) તૈયાર કરવામાં આવ્યો છે, જેમાં આર્મી (Army), સીઆરપીએફ (CRPF) અને જમ્મુ-કાશ્મીર પોલીસ (Jammu and Kashmir Police) ના હજારો જવાનો ખડેપગે તૈનાત છે.

આથી આતંકીઓ માટે પવિત્ર યાત્રા પર સીધો હુમલો કરવો ખૂબ મુશ્કેલ છે. આ કારણે તેઓ બિહાર (Bihar), ઉત્તર પ્રદેશ (Uttar Pradesh) અને અન્ય રાજ્યોમાંથી રોજીરોટી માટે આવેલા અસુરક્ષિત અને નિઃસહાય પ્રવાસી મજૂરોને સોફ્ટ ટાર્ગેટ (Soft Target) બનાવી રહ્યા છે.

કુલગામ (Kulgam) અને શોપિયાં (Shopian) જેવા વિસ્તારોમાં બનેલી તાજેતરની ઘટનાઓ બાદ સુરક્ષા દળોએ સમગ્ર વિસ્તારમાં સર્ચ ઓપરેશન (Search Operation) તેજ કરી દીધું છે.

પ્રવાસી મજૂરો રહેતા હોય તેવા વિસ્તારો અને સફરજનના બગીચાઓમાં વધારાની સુરક્ષા તૈનાત કરવામાં આવી છે. વહીવટીતંત્ર દ્વારા સ્થાનિક નાગરિકોને પણ શંકાસ્પદ પ્રવૃત્તિઓ અંગે તાત્કાલિક જાણ કરવા અપીલ કરવામાં આવી છે. આતંકવાદીઓના આ કાયરતાપૂર્ણ કૃત્ય છતાં સ્થાનિક લોકો અને સુરક્ષા દળો એકસંપ થઈને આતંકવાદ સામે લડી રહ્યા છે.