US-Iran-Israel યુદ્ધની અસર: એર ઈન્ડિયા અને ઇન્ડિગો સહિત અનેક આંતરરાષ્ટ્રીય ફ્લાઈટ્સ રદ, મુસાફરો અટવાયા

US-Israel-Iran War | 28 ફેબ્રુઆરીના રોજ ઈરાન અને ઇઝરાયેલ (US-Iran-Israel War) વચ્ચે શરૂ થયેલા યુદ્ધને કારણે આંતરરાષ્ટ્રીય હવાઈ મુસાફરીમાં ભારે અંધાધૂંધી સર્જાઈ છે. સુરક્ષાના કારણોસર ઘણા દેશોએ તેમનો એરસ્પેસ (Airspace) બંધ કરી દીધો છે. એર ઈન્ડિયા (Air India) અને ઇન્ડિગો (IndiGo) જેવી મોટી એરલાઇન્સે મિડલ ઈસ્ટ (Middle East) તરફ જતી તમામ ફ્લાઈટ્સ કામચલાઉ ધોરણે સ્થગિત કરી દીધી છે.

ઇઝરાયેલ એરપોર્ટ્સ ઓથોરિટીના જણાવ્યા અનુસાર, તેલ અવીવ (Tel Aviv) એરપોર્ટ પર તમામ ફ્લાઈટ્સનું આગમન અને પ્રસ્થાન રોકી દેવામાં આવ્યું છે. આ ઉપરાંત, ટર્કિશ એરલાઇન્સ (Turkish Airlines), કતાર એરવેઝ (Qatar Airways), અને લુફ્થાન્સા (Lufthansa) એ પણ લેબનાન, સીરિયા, ઇરાક અને જોર્ડન માટેની તેમની સેવાઓ 7 માર્ચ સુધી રદ કરી છે.

દુબઈ સ્થિત ફ્લાયદુબઈ (flydubai) અને ઓમાન એર (Oman Air) એ પણ જણાવ્યું છે કે એરસ્પેસ બંધ હોવાને કારણે તેમની ફ્લાઈટ્સ ડાયવર્ટ (Divert) કરવામાં આવી છે અથવા રદ કરવામાં આવી છે. એરલાઇન્સે મુસાફરોને એરપોર્ટ પર આવતા પહેલા તેમનું ફ્લાઈટ સ્ટેટસ (Flight Status) ચેક કરવાની સલાહ આપી છે.