ચક દે ઈન્ડિયા: ભારતીય મહિલા હોકી ટીમે વર્લ્ડ કપ માટે ક્વોલિફાઈ કર્યું, ઈટાલીને હરાવી ફાઈનલમાં પ્રવેશ

ભારતીય મહિલા હોકી ટીમે (Indian Women’s Hockey Team) શાનદાર પ્રદર્શન કરતા વર્લ્ડ કપ (World Cup) માટે ક્વોલિફાઈ (Qualify) કરી લીધું છે. વર્લ્ડ કપ ક્વોલિફાયર્સની (World Cup Qualifiers) સેમિફાઇનલમાં ભારતે ઇટાલીને 1-0 થી હરાવીને ફાઇનલમાં પોતાની જગ્યા નિશ્ચિત કરી છે.

આ રોમાંચક મેચમાં ભારત તરફથી નિર્ણાયક ગોલ (Goal) મનીષા ચૌહાણે (Manisha Chauhan) કર્યો હતો. હવે ફાઇનલમાં ભારત અને ઇંગ્લેન્ડ (England) વચ્ચે ટક્કર થશે. ભારતીય ટીમ હવે 15 થી 30 ઓગસ્ટ સુધી બેલ્જિયમ (Belgium) અને નેધરલેન્ડ્સ (Netherlands) માં રમાનારા વર્લ્ડ કપમાં ભાગ લેશે.

મેચનો રોમાંચ: મનીષા ચૌહાણનો વિજયી ગોલ મેચના પહેલા ક્વાર્ટરમાં (First Quarter) બંને ટીમો વચ્ચે બરાબરીની ટક્કર જોવા મળી હતી. બીજા ક્વાર્ટરમાં ભારતને 18મી અને 27મી મિનિટે પેનલ્ટી કોર્નર (Penalty Corner) મળ્યા હતા, પરંતુ નવનીત કૌર (Navneet Kaur) ગોલ કરવામાં નિષ્ફળ રહી હતી. જોકે, મેચની 40મી મિનિટે ભારતને ફરી પેનલ્ટી કોર્નર મળ્યો અને મનીષા ચૌહાણે પાવરફુલ શોટ મારીને ઇટાલીની ડિફેન્સ લાઇનને (Defense Line) ભેદી નાખી હતી.

ડિફેન્સ અને ગોલકીપરનું શાનદાર પ્રદર્શન બીજા હાફમાં ઇટાલીએ વાપસી માટે આક્રમક પ્રયાસો કર્યા હતા, પરંતુ ભારતીય ગોલકીપર (Goalkeeper) બિચૂ દેવી ખારીબામે (Bichu Devi Kharibam) શાનદાર બચાવ કરીને ઈટાલીને સ્કોર કરતા અટકાવ્યું હતું. અંતિમ મિનિટોમાં ઈટાલીના તમામ પ્રયાસો નિષ્ફળ રહ્યા અને ભારતે 1-0 થી ઐતિહાસિક જીત મેળવી.