લગ્ન મંડપ છોડી અમેરિકા ભાગવા મિત્રોએ કહ્યું: ભારતીય એન્જિનિયરે વર્ણવી H-1B વિઝાના લીધે ફેલાયેલી ગભરાટની કહાની

H-1B Visa Panic | જ્યારે ગયા સપ્ટેમ્બરમાં રાષ્ટ્રપતિ ડોનાલ્ડ ટ્રમ્પે H-1B વિઝા (Visa) માટે 100,000 ડોલરની ફીની જાહેરાત કરી, ત્યારે ભારતીય ટેક પ્રોફેશનલ (Tech Professional) અભિષેક અભયંકર પોતાના લગ્ન માટે ભારતમાં હતો. તે સમયે આ ફી કોણે ચૂકવવી પડશે તે અંગે સ્થિતિ સ્પષ્ટ નહોતી.

અભયંકરે તે ક્ષણને યાદ કરતાં જણાવ્યું કે, જાહેરાત સાંભળતા જ તેના મિત્રો એટલા ગભરાઈ ગયા કે તેમણે અભિષેકને લગ્ન અધવચ્ચે છોડીને સિએટલ (Seattle) ની ફ્લાઈટ પકડવા અને અમેરિકાથી વર્ચ્યુઅલી (Virtually) રિસેપ્શનમાં જોડાવા દબાણ કર્યું હતું.

જોકે, અભિષેકે ના પાડી દીધી હતી. બાદમાં તે અને તેની પત્ની, જે પોતે પણ H-1B વિઝા ધારક છે, બંને કોઈ પણ સમસ્યા વિના અમેરિકા પરત ફર્યા હતા. પરંતુ આ ઘટનાએ તેમના મનમાં એક કાયમી ડર પેદા કરી દીધો કે અમેરિકામાં તેમનું સ્ટેટસ (Status) કેટલું અસ્થાયી છે.

નિયમોની અસ્પષ્ટતા અને ગભરાટ (Uncertainty of Rules) વાસ્તવમાં આ 100,000 ડોલરની ભારે ફી તે કંપનીઓએ ચૂકવવાની હતી જેઓ અમેરિકા બહારથી નવી અરજી દ્વારા કર્મચારીઓની ભરતી કરે છે. અમેરિકામાં 10 વર્ષ વિતાવી ચૂકેલા અભિષેક જેવા જૂના કર્મચારીઓને આ નિયમ લાગુ પડતો નહોતો. પરંતુ પ્રાથમિક જાહેરાતમાં સ્પષ્ટતા ન હોવાના કારણે ભારે અનિશ્ચિતતા ફેલાઈ ગઈ હતી.

યુ.એસ. માં વિદેશી કામદારો માટે આ એક સામાન્ય બાબત બની ગઈ છે, જ્યાં પહેલા મોટી જાહેરાતો થાય છે અને તેના ઘણા દિવસો પછી સ્પષ્ટતા (Clarifications) આવે છે. આવું જ તાજેતરમાં પણ બન્યું હતું જ્યારે ટ્રમ્પ વહીવટીતંત્રે જાહેરાત કરી હતી કે નોન-ઇમિગ્રન્ટ વિઝા ધારકો ગ્રીન કાર્ડ (Green Card) ની રાહ જોવા માટે અમેરિકામાં રોકાઈ શકશે નહીં અને તેમણે પોતાના દેશ પરત જવું પડશે. જોકે, થોડા દિવસો પછી સરકારે સ્પષ્ટ કર્યું કે મોટાભાગના વિઝા ધારકોને અમેરિકામાં જ રહેવા દેવામાં આવશે.

વતન પરત ફરવાનો નિર્ણય (Returning to India) અભિષેક વર્ષ 2014 માં ઉચ્ચ અભ્યાસ માટે અમેરિકા આવ્યો હતો અને ત્યારબાદ નોકરી મેળવીને ત્યાં સ્થાયી થયો હતો. તેની કંપનીએ વર્ષ 2017 માં જ તેના ગ્રીન કાર્ડ માટે અરજી કરી દીધી હતી. લાંબી પ્રતિક્ષા હોવા છતાં, તે હવે અમેરિકાના કાયમી નિવાસી બનવા માંગતો નથી, પરંતુ અંતે ભારત પરત ફરવાનું વિચારી રહ્યો છે. તેણે કહ્યું કે, અમેરિકામાં વિઝાના કારણે કાયમ મનમાં રહેતી અસુરક્ષાની ભાવના ખૂબ જ માનસિક તણાવ આપે છે.