USA_ મહિલા ભાડૂતના જાતીય શોષણના આક્ષેપ બદલ ભારતીય મૂળના મકાનમાલિક સામે ગુનો નોંધાયો

USA Landlord Lawsuit | અમેરિકા (USA) માં ભારતીય મૂળના એક મકાનમાલિક સામે ગંભીર કાનૂની મુશ્કેલીઓ ઊભી થઈ છે. પેન્સિલવેનિયા (Pennsylvania) માં રહેતી એક મહિલા ભાડૂત (Tenant) નું જાતીય શોષણ (Sexual Harassment) કરવાના આક્ષેપમાં યુનાઈટેડ સ્ટેટ્સ ડિપાર્ટમેન્ટ ઓફ જસ્ટિસ (United States Department of Justice – DOJ) દ્વારા ભારતીય મૂળના મકાનમાલિક સામે સિવિલ રાઈટ્સ કાયદા (Civil Rights Law) હેઠળ ફેડરલ કોર્ટ (Federal Court) માં કેસ દાખલ કરવામાં આવ્યો છે.

US Department of Justice દ્વારા જારી કરવામાં આવેલી સત્તાવાર યાદી અને Times of India ના અહેવાલ મુજબ, આ કેસ પેન્સિલવેનિયાના વેસ્ટર્ન ડિસ્ટ્રિક્ટ (Western District of Pennsylvania) ની યુએસ ડિસ્ટ્રિક્ટ કોર્ટ (US District Court) માં દાખલ કરાયો છે. આરોપી મકાનમાલિકની ઓળખ 63 વર્ષીય અવતાર સિંહ પન્નૂ (Avtar Singh Pannu) તરીકે થઈ છે.

New India Abroad ના રિપોર્ટ અનુસાર, અવતાર સિંહ પન્નૂ પેન્સિલવેનિયાના ઇન્ડિયાના કાઉન્ટી (Indiana County) માં અનેક રહેણાંક મિલકતો (Residential Properties) ધરાવે છે અને તેનું સંચાલન કરે છે. કોર્ટમાં દાખલ કરવામાં આવેલી ફરિયાદો અનુસાર, પન્નૂ પર આરોપ છે કે તેમણે 2022 થી ઓછામાં ઓછી એક મહિલા ભાડૂતનું સતત જાતીય શોષણ કર્યું હતું.

ફરિયાદમાં જણાવ્યા મુજબ, પન્નૂએ મહિલાને તેની સંમતિ વિના અયોગ્ય રીતે સ્પર્શ કર્યો હતો, તેની સામે વારંવાર અશ્લીલ અને જાતીય ટિપ્પણીઓ (Sexual Comments) કરી હતી અને મકાનમાં રહેવા બદલ તેની પાસે જાતીય સંબંધો (Sexual Favors) ની માંગણી કરી હતી. એટલું જ નહીં, જ્યારે મહિલાએ આ માંગણીઓનો વિરોધ કર્યો અને પન્નૂની હરકતોનો અસ્વીકાર કર્યો, ત્યારે પન્નૂએ તેને ઘર ખાલી કરાવી દેવાની (Eviction) અને ભાડું વધારી દેવાની ધમકીઓ પણ આપી હતી.

આ કેસ યુએસ ફેર હાઉસિંગ એક્ટ (Fair Housing Act – FHA) ના ઉલ્લંઘન બદલ દાખલ કરવામાં આવ્યો છે. અમેરિકન કાયદા અનુસાર, કોઈપણ વ્યક્તિને તેના રહેઠાણમાં જાતીય સતામણી કે શોષણ વિના મુક્તપણે રહેવાનો અધિકાર છે.

The Telegraph India મુજબ, આ મામલે યુએસ જસ્ટિસ ડિપાર્ટમેન્ટના સિવિલ રાઈટ્સ ડિવિઝન (Civil Rights Division) ના આસિસ્ટન્ટ એટર્ની જનરલે જણાવ્યું હતું કે, “પોતાના માથા પર છત મેળવવા માટે કોઈપણ વ્યક્તિએ જાતીય શોષણ કે સતામણી સહન કરવી પડે તે બિલકુલ ચલાવી લેવાય નહીં. મકાનમાલિકો દ્વારા તેમની સત્તા કે મિલકતનો દુરુપયોગ કરીને ગરીબ કે જરૂરિયાતમંદ ભાડૂતોનું શોષણ કરવાની પ્રવૃત્તિ સામે કડક પગલાં લેવામાં આવશે.”

આ દાવવામાં યુએસ સરકાર દ્વારા પીડિત મહિલા માટે નાણાકીય વળતર (Monetary Damages) ની માંગ કરવામાં આવી છે. આ ઉપરાંત, પન્નૂ પર ભવિષ્યમાં કોઈપણ ભાડૂત સાથે ભેદભાવ કે સતામણી ન કરવા બદલ કાયમી મનાઈહુકમ (Permanent Injunction) અને ભારે નાણાકીય દંડ (Civil Penalties) ફટકારવાની કોર્ટને વિનંતી કરવામાં આવી છે.

જસ્ટિસ ડિપાર્ટમેન્ટે આ કેસ દ્વારા સ્પષ્ટ સંદેશ આપ્યો છે કે અમેરિકામાં ભાડૂતોના અધિકારોની રક્ષા માટે ફેર હાઉસિંગ એક્ટનું કડક પાલન કરાવવામાં આવશે. જે લોકો પણ આવી સતામણીનો ભોગ બન્યા હોય તેમને આગળ આવીને ફરિયાદ કરવા માટે ડિપાર્ટમેન્ટ ઓફ જસ્ટિસ દ્વારા અપીલ પણ કરવામાં આવી છે.