પાકિસ્તાન આતંકવાદ બંધ નહીં કરે ત્યાં સુધી સિંધુ જળ સંધિ પર કોઈ ચર્ચા નહીંઃ ભારતનો કડક નિર્ણય: ભારત સ્પષ્ટ સંદેશ

ભારતે સ્પષ્ટ શબ્દોમાં પાકિસ્તાનને (Pakistan) ચેતવણી આપી છે કે જ્યાં સુધી તે ‘આતંકવાદનું વૈશ્વિક કેન્દ્ર’ (Global Epicenter of Terrorism) બનીને પોતાની હરકતોમાં સુધારો નહીં કરે, ત્યાં સુધી સિંધુ જળ સંધિ (Indus Waters Treaty) સ્થગિત જ રહેશે. વિશ્વ જળ દિવસ (World Water Day) નિમિત્તે આયોજિત એક કાર્યક્રમમાં ભારતના કાયમી પ્રતિનિધિ પી. હરીશે જણાવ્યું હતું કે, પાકિસ્તાને સંધિઓની પવિત્રતા પહેલા માનવ જીવનનો આદર કરવો જોઈએ.

આતંકવાદ અને સિંધુ જળ સંધિ પર ભારતનું વલણ ભારતે વર્ષ 1960 માં મિત્રતાના ભાવ સાથે આ સંધિ પર હસ્તાક્ષર કર્યા હતા, પરંતુ પાકિસ્તાને આ ભાવનાનો ભંગ કરીને ભારત પર 3 યુદ્ધો અને હજારો આતંકી હુમલાઓ કર્યા છે. ગયા વર્ષે પહલગામમાં થયેલા આતંકી હુમલા બાદ ભારતે આ સંધિને સ્થગિત (Suspend) કરવાનો નિર્ણય લીધો હતો. પી. હરીશે ભારપૂર્વક કહ્યું કે ભારતની ઉદારતા પાકિસ્તાનને બદલી શકી નથી, તેથી હવે આ સંધિ ત્યારે જ પુનઃસ્થાપિત થશે જ્યારે સરકારી નીતિ તરીકે આતંકવાદનો ઉપયોગ બંધ થશે.

જળ જીવન મિશન: ભારતની વૈશ્વિક સિદ્ધિ ભારતના આંતરિક પ્રયાસોની માહિતી આપતા તેમણે જણાવ્યું કે, ભારત ‘જળ જીવન મિશન’ (Jal Jeevan Mission) દ્વારા ગ્રામીણ વિસ્તારોમાં નળ દ્વારા પીવાનું શુદ્ધ પાણી પહોંચાડવાનું વિશ્વનું સૌથી મોટું અભિયાન ચલાવી રહ્યું છે. 2019 માં શરૂ થયેલા આ મિશન હેઠળ અત્યાર સુધીમાં 81.76% ગ્રામીણ ઘરો (આશરે 1.58 કરોડ પરિવારો) સુધી સુરક્ષિત પાણી પહોંચાડવામાં આવ્યું છે. ભારતે ટેકનોલોજી (Technology) અને વૈજ્ઞાનિક સહયોગ દ્વારા જળ વ્યવસ્થાપનમાં મજબૂત ક્ષમતા કેળવી છે.