PM મોદીના ઇઝરાયલ પ્રવાસમાં થઈ શકે છે મોટી ડીલ, દુશ્મન દેશો ટેન્શનમાં

India-Israel Defense Deal | ભારત અને ઈઝરાયલ વચ્ચે ભારતીય સેના (Indian Army)ની શક્તિમાં અનેકગણો વધારો કરતી અને દુશ્મનોની ઊંઘ ઉડાડતી એક ઐતિહાસિક સમજૂતી થવા જઈ રહી છે. મુંબઈ (Mumbai) સ્થિત ઈઝરાયલના કોન્સ્યુલેટ જનરલ યાનિવ રેવાચે સંકેત આપ્યા છે કે, વડાપ્રધાન નરેન્દ્ર મોદી (PM Narendra Modi)ના આગામી ઈઝરાયલ પ્રવાસ દરમિયાન બંને દેશો વચ્ચે વ્યૂહાત્મક સંરક્ષણ કરાર થઈ શકે છે.

આ સંભવિત ડીલમાં સૌથી મહત્વની બાબત ઈઝરાયલનું પ્રખ્યાત સુરક્ષા કવચ ‘આયરન ડોમ’ (Iron Dome) મિસાઈલ ડિફેન્સ સિસ્ટમ છે. આ કરાર હેઠળ ઈઝરાયલ તેની ગુપ્ત ટેકનોલોજી (Technology) અને ડિઝાઈન ભારતને સોંપી શકે છે.

ઈઝરાયલ પોતાની ડિફેન્સ ટેકનોલોજી ભારતને આપવા તૈયાર

કોન્સ્યુલેટ જનરલના જણાવ્યા અનુસાર, આ ડીલ માત્ર હથિયારોની ખરીદી પૂરતી મર્યાદિત નથી, પરંતુ ‘આત્મનિર્ભર ભારત’ (Self-Reliant India) અભિયાન હેઠળ આ સિસ્ટમનું નિર્માણ ભારતમાં જ થાય તે બાબત પર ભાર મૂકવામાં આવ્યો છે. ઈઝરાયલ ભારતને એક અત્યંત વિશ્વાસુ વ્યૂહાત્મક ભાગીદાર (Strategic Partner) માને છે, તેથી તે આયરન ડોમ જેવી જટિલ ટેકનીક શેર કરવા તૈયાર છે. બંને દેશો હાલમાં સમાન પ્રકારના સુરક્ષા પડકારોનો સામનો કરી રહ્યા છે.

સંરક્ષણ ભાગીદારીનો વ્યાપ વધશે

PM મોદીના પ્રવાસ દરમિયાન આ ભાગીદારીને નવી ઊંચાઈએ લઈ જવાની યોજના છે. જેમાં મુખ્યત્વે (1) ભારતમાં સંરક્ષણ સાધનોનું ઉત્પાદન (2) આયરન ડોમ (Iron Dome) ટેકનોલોજીનું હસ્તાંતરણ. (3) એડવાન્સ મિસાઈલ સિસ્ટમ્સ (Advanced Missile Systems)માં પરસ્પર સહયોગ પર ધ્યાન આપવામાં આવશે.

શું છે આયરન ડોમ (Iron Dome)ની ખાસિયત?

ઈઝરાયલની આયરન ડોમ સિસ્ટમ હાલ વિશ્વની સૌથી ભરોસાપાત્ર મિસાઈલ ડિફેન્સ સિસ્ટમ (Missile Defense System) ગણાય છે.

ચોકસાઈ: આ સિસ્ટમ દુશ્મન દેશના રોકેટ, ડ્રોન (Drone) અને મધ્યમ અંતરની મિસાઈલોને હવામાં જ શોધીને નષ્ટ કરી નાખે છે.

સફળતાનો દર: તાજેતરના યુદ્ધોમાં આ સિસ્ટમ 90% સફળ સાબિત થઈ છે.

ઐતિહાસિક પ્રદર્શન: જ્યારે ઈરાને ઈઝરાયલ પર 1,000 ડ્રોન અને 450 મિસાઈલ છોડ્યા હતા, ત્યારે આયરન ડોમે તેમાંથી મોટાભાગના હુમલાઓને નિષ્ફળ બનાવ્યા હતા.

વિશ્વની અન્ય કોઈપણ ડિફેન્સ સિસ્ટમ પાસે આટલો ઊંચો સક્સેસ રેટ (Success Rate) નથી. જો આ ટેકનોલોજી ભારતને મળે છે, તો સરહદ પર સુરક્ષા વ્યવસ્થા લોખંડી બની જશે.