ઇન્સ્ટાગ્રામ એડ્સ : જાસૂસી કે યોગાનુયોગ? તમે જે બોલો છો તેની જ જાહેરાતો કેમ દેખાય છે?

Instagram Personalized Ads | ઘણીવાર આપણને એવું લાગે છે કે ઇન્સ્ટાગ્રામ આપણા મનની વાત જાણી લે છે. તમે કોઈ મિત્ર સાથે કોઈ વસ્તુ વિશે વાત કરી અને તરત જ તેની જાહેરાત (Advertisement) તમારી ફીડમાં આવી જાય છે. આ કારણે ઘણા લોકોને લાગે છે કે એપ આપણી વાતો ચોરીછૂપીથી સાંભળે છે. પરંતુ હકીકત કંઈક અલગ છે. ઇન્સ્ટાગ્રામના હેડ એડમ મોસેરીએ (Adam Mosseri) સ્પષ્ટ કર્યું છે કે કંપની માઇક્રોફોનનો (Microphone) ઉપયોગ કરીને તમારી વાતો સાંભળતી નથી.

જાહેરાતો આટલી સચોટ કેમ હોય છે? (Why are Ads so accurate?)
ઇન્સ્ટાગ્રામ ચીફના જણાવ્યા મુજબ, એપ એ બાબતનું બારીકાઈથી વિશ્લેષણ કરે છે કે તમે શું કોમેન્ટ (Comment) કરો છો, શું સેવ કરો છો અથવા શું સર્ચ (Search) કરી રહ્યા છો. આ સિવાય, ‘મેટા પિક્સેલ’ (Meta Pixel) અને કુકીઝ (Cookies) દ્વારા તમે અન્ય વેબસાઇટ્સ પર શું પ્રવૃત્તિ કરો છો તેને પણ ટ્રેક કરવામાં આવે છે, જેના પરિણામે તમને ‘હાયપર-પર્સનલાઇઝ્ડ’ જાહેરાતો દેખાય છે.

પર્સનલાઇઝ્ડ એડ્સ રોકવા માટે શું કરવું? (How to stop personalized ads?)
જો તમે આ ડેટા ટ્રેકિંગ (Data Tracking) રોકવા માંગતા હોવ, તો મેટાએ (Meta) સેટિંગ્સમાં ફેરફાર કરવાની સુવિધા આપી છે:

તમારા પ્રોફાઇલમાં જઈને ‘હેમબર્ગર મેનુ’ (ત્રણ લાઇન) પર ટેપ કરો.

– ‘એકાઉન્ટ સેન્ટર’ (Account Center) માં જઈને ‘એડ પ્રેફરન્સ’ (Ad Preferences) પર ક્લિક કરો.
-ત્યાં ‘મેનેજ ઇન્ફો’ (Manage Info) માં જઈને ‘એક્ટિવિટી ઇન્ફોર્મેશન ફ્રોમ એડ પાર્ટનર્સ’ પસંદ કરો.
– અંતે, ‘No, don’t make my ads more relevant by using this information’ વિકલ્પ પસંદ કરો.

ડેટા પ્રાઇવસી મજબૂત કરવાની બીજી રીત (Off-Meta Activity)
મેટા અન્ય એપ્સ અને વેબસાઇટ્સ પરથી તમારી માહિતી મેળવે છે, જેને તમે ‘ઓફ-મેટા એક્ટિવિટી’ (Off-Meta Activity) સેટિંગ્સ દ્વારા બંધ કરી શકો છો: (1) ‘એકાઉન્ટ સેન્ટર’ માં જઈને ‘યોર ઇન્ફોર્મેશન એન્ડ પરમિશન’ વિકલ્પ પસંદ કરો. (2) ત્યારબાદ ‘યોર એક્ટિવિટી ઓફ મેટા ટેકનોલોજીસ’ પર ટેપ કરો. (3) અહીં તમે ‘ડિસ્કનેક્ટ ફ્યુચર એક્ટિવિટી’ (Disconnect Future Activity) પસંદ કરીને ભવિષ્ય માટે ડેટા શેરિંગ બંધ કરી શકો છો.

ધ્યાન રાખવા જેવી બાબતો (Important Points)
યાદ રાખો કે આ સેટિંગ્સ બદલવાથી જાહેરાતોની સંખ્યા ઘટશે નહીં, પરંતુ તે તમારી પસંદગી કે બ્રાઉઝિંગ હિસ્ટ્રી (Browsing History) મુજબ પર્સનલાઇઝ્ડ નહીં હોય. એક ‘પ્રો ટિપ’ (Pro Tip) એ છે કે તમે સમયસમય પર તમારી ‘એડ ટોપિક્સ’ (Ad Topics) ચેક કરતા રહો, જેથી તમે એવા વિષયોને દૂર કરી શકો જેમાં તમને હવે રસ નથી.