ગુજરાતમાં કાળઝાળ ગરમીની આગાહી: પારો 40 ડિગ્રી વટાવશે

ભારતીય હવામાન વિભાગ (IMD) અનુસાર, હાલમાં કોઈ સક્રિય વેસ્ટર્ન ડિસ્ટર્બન્સ (Western Disturbance) ન હોવાને કારણે દેશભરમાં તાપમાનમાં (Temperature) ઝડપથી વધારો થવાની શક્યતા છે.

આગામી દિવસોમાં પારો 40°C થી 42°C ને પાર કરી શકે છે, જેના કારણે મધ્ય અને દક્ષિણ ભારતના અનેક રાજ્યોમાં ભીષણ ‘લૂ’ (Heatwave) ની સ્થિતિ સર્જાશે. બુધવારે મહારાષ્ટ્રના અકોલામાં સૌથી વધુ 44°C તાપમાન નોંધાયું હતું.

હવામાન વિભાગે (Weather Department) મધ્યપ્રદેશ, મહારાષ્ટ્ર અને ગુજરાત (Gujarat) સહિત 12 રાજ્યો માટે ગરમીનું એલર્ટ (Alert) જાહેર કર્યું છે.

ખાસ કરીને પશ્ચિમ બંગાળ, ઓડિશા અને તટીય વિસ્તારોમાં ગરમીની સાથે અસહ્ય બફારો (Humidity) લોકોને પરેશાન કરશે. બીજી તરફ, પહાડી રાજ્યો (Hilly regions) જેવા કે જમ્મુ-કાશ્મીર અને હિમાચલમાં હળવા વરસાદની (Rain) શક્યતા છે, પરંતુ મેદાની વિસ્તારોમાં ગરમીથી રાહત મળવાના કોઈ સંકેત નથી.