ગુજરાતમાં એક જ વર્ષમાં ₹606 કરોડનો દારૂ અને ડ્રગ્સ ઝડપાયો

ગુજરાત (Gujarat) માં દારૂબંધીના કડક અમલના દાવાઓ વચ્ચે ચોંકાવનારા આંકડા સામે આવ્યા છે. રાજ્ય વિધાનસભામાં રજૂ થયેલી વિગતો મુજબ, છેલ્લા એક વર્ષમાં કુલ ₹606 કરોડ થી વધુની કિંમતનો નશીલો જથ્થો પકડાયો છે.

જેમાં ₹269 કરોડ નો વિદેશી-દેશી દારૂ (Liquor) અને બિયરનો સમાવેશ થાય છે, જ્યારે ₹337 કરોડ ની કિંમતનું ડ્રગ્સ (Drugs) અને ગાંજો જપ્ત કરવામાં આવ્યો છે.

રાજ્યની સરહદો પર ચુસ્ત બંદોબસ્ત હોવા છતાં બનાસકાંઠા, દાહોદ, સુરેન્દ્રનગર, રાજકોટ અને કચ્છ જેવા જિલ્લાઓ દારૂની હેરફેરના મુખ્ય કેન્દ્રો બન્યા છે. આ આંકડા માત્ર પકડાયેલા જથ્થાના છે, પરંતુ વાસ્તવિક સ્થિતિ આનાથી વધુ ગંભીર હોઈ શકે છે.

નશીલા પદાર્થોનું વધતું વેચાણ ગુજરાતના યુવાધન (Youth) ના ભવિષ્ય માટે ખતરા સમાન બની રહ્યું છે. કાયદાકીય કડકાઈ માત્ર કાગળ પર હોય તેમ બૂટલેગરો અને પેડલરો બેફામ બન્યા છે, જે પોલીસ (Police) તંત્રની કામગીરી સામે મોટા સવાલો ઊભા કરે છે.