લગ્ન જીવનના વિખવાદોમાં પરસ્પર સંમંતિથી છૂટા પડવા માંગતા યુગલો માટે ગુજરાત હાઈકોર્ટ (Gujarat High Court) એ એક ઐતિહાસિક રાહત આપી છે. સામાન્ય રીતે હિન્દુ મેરેજ એક્ટ (Hindu Marriage Act) ની કલમ-13B હેઠળ છૂટાછેડા (Divorce) માટે 6 મહિનાનો ‘કૂલિંગ ઓફ પિરિયડ’ આપવામાં આવે છે, જેથી દંપતી ફરી વિચાર કરી શકે. જોકે, હાઈકોર્ટે ઠરાવ્યું છે કે જો સુમેળની કોઈ શક્યતા ન હોય તો આ સમયગાળો જતો (Waive off) કરી શકાય છે.
જસ્ટિસ સંગીતા કે. વિશેણ અને જસ્ટિસ નિશા એમ. ઠાકોરની ખંડપીઠે (Division Bench) ફેમિલી કોર્ટના હુકમને રદબાતલ ઠરાવતા આ નિર્ણય આપ્યો હતો. અદાલતે સ્પષ્ટ કર્યું કે, જ્યારે પતિ-પત્ની મક્કમતાપૂર્વક અલગ થવા માંગતા હોય અને સમાધાનનો કોઈ અવકાશ ન હોય, ત્યારે તેમને છ મહિના સુધી ફરજિયાત રોકી રાખવા એ તેમની વેદના લંબાવવા જેવું છે.
હાઈકોર્ટે ચુકાદામાં મહત્વના મુદ્દાઓ પર ભાર મૂક્યો હતો:
એક વર્ષથી અલગ રહેતા હોય: જો દંપતી એક વર્ષ કે તેથી વધુ સમયથી અલગ રહેતું હોય.
પુનઃમિલનની શક્યતા શૂન્ય હોય: જ્યારે બંને પક્ષો વચ્ચે સમાધાન કે પુનઃમિલન (Reconciliation) શક્ય જ ન હોય.
યુવા કારકિર્દી: જો પક્ષકારો યુવાન હોય અને છૂટા પડીને પોતાની કારકિર્દી (Career) માં આગળ વધવા માંગતા હોય.
અરજદાર દંપતીના કિસ્સામાં હાઈકોર્ટે નોંધ્યું કે તેઓ લાંબા સમયથી અલગ રહી રહ્યા છે અને બંને શિક્ષિત તથા સમજદાર છે. ગુજરાત હાઈકોર્ટ (Gujarat High Court) એ ફેમિલી કોર્ટ (Family Court) ને આદેશ આપ્યો છે કે દંપતી દ્વારા કૂલિંગ પિરિયડ માફ કરવાની અરજી દાખલ થયાના બે અઠવાડિયામાં કાયદાનુસાર છૂટાછેડા અંગેનો નિર્ણય લેવામાં આવે.
Hindu Temple Attack | અમેરિકાના ઇલિનોઇસ રાજ્યના ઓરોરા શહેરમાં આવેલા હિન્દુ મંદિર પર સામૂહિક ગોળીબાર…
Germany Fire | જર્મનીના બોચુમ શહેરમાં રહેણાક ઇમારતમાં લાગેલી આગની દુર્ઘટનામાં કેરળના 3 ભારતીય નાગરિકોનાં…
ઢોલના તાલે રાસ ને ગરબાની રમઝટ ઢોલના તાલે રાસ ને ગરબાની રમઝટ દલાસ મા Dfw…
ઇસ્કોન ભાડજના સંસ્કૃતિ ગુરુકુળ બાળવિભાગ દ્વારા શ્રી કૃષ્ણ હેરિટેજ ફેસ્ટ 2026 અને ગીતા કોન્ટેસ્ટ 2026નું…
શિકાગોના કડવા પાટીદાર સમાજ દ્વારા વાર્ષિક નવરાત્રી ઉત્સવનું ઉત્સાહપૂર્ણ સમાપન 'સનેડો' સાથે કાર્યક્રમની પૂર્ણાહુતિ થઈ…
अमेरिका के शिकागो से एक दिल दहला देने वाली घटना सामने आई है, जहां 31…