ઐતિહાસિક નિર્ણય: ગુજરાત વન વિભાગે 427 વનરક્ષકોને વનપાલ તરીકે બઢતી આપી

Gujarat Forest Department Promotion |  ગુજરાત વન વિભાગ (Gujarat Forest Department) દ્વારા રાજ્યના વન અને વન્યજીવ સંરક્ષણને વધુ મજબૂત બનાવવા માટે એક ઐતિહાસિક નિર્ણય લેવામાં આવ્યો છે. વિભાગે એકસાથે 427 વનરક્ષકો (Beat Guards) ને વનપાલ (Foresters) તરીકે બઢતી (Promotion) આપવાનો આદેશ જારી કર્યો છે. વન વિભાગના ઇતિહાસમાં આ અત્યાર સુધીનો સૌથી મોટો બઢતીનો આદેશ માનવામાં આવે છે.

પગાર ધોરણમાં વધારો અને નિમણૂક

આ આદેશ અનુસાર, વનરક્ષક, વર્ગ-3 (પગાર ધોરણ ₹18,000 – ₹56,900) માંથી વનપાલ, વર્ગ-3 (પગાર ધોરણ ₹25,500 – ₹81,100) માં બઢતી આપવામાં આવી છે. કુલ 425 કર્મચારીઓને હંગામી (Temporary) ધોરણે અને 2 કર્મચારીઓને એડહોક (Ad-hoc) ધોરણે પ્રોમોશન મળ્યું છે. આ નિર્ણયથી ફિલ્ડ સ્ટાફમાં ખુશીનો માહોલ જોવા મળી રહ્યો છે.

વહીવટી પ્રક્રિયા અને બદલીઓ

વન અને પર્યાવરણ વિભાગના નાયબ સચિવ આસવ ગઢવી દ્વારા 8 જાન્યુઆરી, 2026 ના રોજ આ આદેશ જારી કરાયો છે. આગામી એક અઠવાડિયામાં અરણ્ય ભવન (Aranya Bhavan) દ્વારા આ કર્મચારીઓની બદલીના (Transfer) આદેશો પણ કરવામાં આવશે. આ યાદીમાં વડોદરા, સુરત, જૂનાગઢ વાઇલ્ડલાઇફ અને વલસાડ સર્કલના કર્મચારીઓનો સમાવેશ થાય છે.

નોંધનીય છે કે, આ બઢતી સિનિયરિટી (Seniority) અને ખાતાકીય તપાસને આધીન રહેશે. લાંબા સમયથી પડતર માંગણીઓ બાદ સરકારના આ સકારાત્મક અભિગમથી વન સંરક્ષણની કામગીરી વધુ સુદ્રઢ બનશે તેવી આશા છે.