ટ્રમ્પ પર હુમલાનો પ્રયાસ: વોશિંગ્ટન ડીસીમાં ગોળીબાર, હુમલાખોર પકડાયો

Attack on Donald Trump | અમેરિકાના વોશિંગ્ટન ડીસી (Washington DC) માં શનિવારે (26 April 2026) ના રોજ એક મોટી દુર્ઘટના ટળી હતી. વોશિંગ્ટન હિલ્ટન હોટેલ (Washington Hilton Hotel) ખાતે આયોજિત ‘વ્હાઇટ હાઉસ કોરસપોન્ડન્ટ્સ ડિનર’ (White House Correspondents’ Dinner) દરમિયાન અચાનક ફાયરિંગ (Firing) થતા ભારે નાસભાગ મચી ગઈ હતી.

જ્યારે આ કાર્યક્રમ ચાલી રહ્યો હતો, ત્યારે અચાનક 4 થી 6 રાઉન્ડ ગોળીબારનો અવાજ સંભળાયો હતો. આ સમયે હોલમાં રાષ્ટ્રપ્રમુખ ડોનાલ્ડ ટ્રમ્પ (Donald Trump), ફર્સ્ટ લેડી મેલાનિયા ટ્રમ્પ અને ઉપપ્રમુખ જેડી વેન્સ (JD Vance) હાજર હતા.

સિક્રેટ સર્વિસ (Secret Service) ના એજન્ટોએ તરત જ હરકતમાં આવીને તમામ મહાનુભાવોને સુરક્ષિત સ્થળે ખસેડ્યા હતા. આ ઘટનામાં અંદાજે 2600 મહેમાનો હાજર હતા, જેઓ ગોળીબારના અવાજથી ડરીને ટેબલ નીચે છુપાઈ ગયા હતા.

હુમલાખોરની ધરપકડ અને તપાસ રાષ્ટ્રપ્રમુખ ટ્રમ્પે સોશિયલ મીડિયા પ્લેટફોર્મ ‘ટ્રુથ આઉટ’ (TruthOut) પર પોસ્ટ કરીને જણાવ્યું કે એક હુમલાખોરની ધરપકડ (Arrest) કરવામાં આવી છે. તેમણે સુરક્ષા એજન્સીઓની પ્રશંસા કરી હતી. હાલમાં આ શંકાસ્પદ વ્યક્તિની પૂછપરછ કરવામાં આવી રહી છે અને સમગ્ર વિસ્તારમાં સુરક્ષા (Security) વધારી દેવામાં આવી છે.