Business

India: રૂપિયાનું મૂલ્ય ઘટ્યું છતાં આ 5 દેશોમાં તમે ‘રાજા’ની જેમ ફરી શકશો

નવી દિલ્હી: વર્તમાન સમયમાં જ્યારે અમેરિકન ડોલર સામે ભારતીય (Indian Rupee) રૂપિયો નબળો પડીને 91 ના સ્તરે પહોંચી ગયો છે, ત્યારે વિદેશ પ્રવાસના શોખીનો માટે એક સારા સમાચાર છે. દુનિયામાં હજુ પણ એવા કેટલાક સુંદર દેશો છે જ્યાં ભારતીય રૂપિયો ખૂબ જ મજબૂત સ્થિતિમાં છે. આ દેશોમાં તમે ઓછા બજેટમાં પણ લક્ઝરી વેકેશન માણી શકો છો.

ભારતીય રૂપિયો ક્યાં કેટલો મજબૂત છે? (અંદાજિત આંકડા)

દેશ	સ્થાનિક ચલણ	1 ભારતીય રૂપિયો =	₹1,000 ની કિંમત
વિયેતનામ	વિયેતનામી ડોંગ (VND)	~289 VND	2,89,000 VND
ઇન્ડોનેશિયા	ઇન્ડોનેશિયન રૂપિયો (IDR)	~185.65 IDR	1,85,650 IDR
ઈરાન	ઈરાની રિયાલ (IRR)	~465.78 IRR	4,65,780 IRR
શ્રીલંકા	શ્રીલંકાઈ રૂપિયો (LKR)	~3.42 LKR	3,420 LKR
નેપાળ	નેપાળી રૂપિયો (NPR)	~1.6 NPR	1,600 NPR

દેશોની ખાસિયત:

વિયેતનામ (Vietnamese Dong) : ભારતીય પ્રવાસીઓ માટે હાલમાં આ હોટ ફેવરિટ ડેસ્ટિનેશન છે. અહીંની કુદરતી સુંદરતા અને સ્ટ્રીટ ફૂડ ભારતીયોને ખૂબ જ પરવડે તેવા ભાવે મળે છે.
ઇન્ડોનેશિયા (બાલી) (Indonesian Rupiah): બાલીમાં તમે ઓછા રૂપિયામાં આલીશાન રિસોર્ટ્સ અને વિલાનો આનંદ લઈ શકો છો. અહીંનું ચલણ નબળું હોવાથી શોપિંગ અને રહેવાનો ખર્ચ ઘણો ઓછો થાય છે.
ઈરાન (Iranian Rial) : જો તમે ઈતિહાસ અને સંસ્કૃતિના શોખીન હોવ, તો ઈરાનમાં ભારતીય રૂપિયો સૌથી વધુ પાવરફુલ છે. અહીં ₹1,000 ના બદલામાં તમને સાડા ચાર લાખથી વધુ રિયાલ મળે છે.
નેપાળ અને શ્રીલંકા (Nepalese Rupee Sri Lankan Rupee) : પડોશી દેશો હોવાથી અહીં પહોંચવું સરળ છે. નેપાળમાં ભારતીય ચલણ સીધું જ સ્વીકાર્ય હોવાથી એક્સચેન્જની ખાસ ચિંતા રહેતી નથી, જ્યારે શ્રીલંકા તેના દરિયાકિનારા માટે શ્રેષ્ઠ અને સસ્તો વિકલ્પ છે.

નોંધ: કરન્સી એક્સચેન્જ રેટમાં દરરોજ ફેરફાર થતા રહે છે, તેથી મુસાફરી કરતા પહેલા લેટેસ્ટ રેટ ચેક કરી લેવા જરૂરી છે.

Chief Editor